विपत् व्यवस्थापनका लागि पाँचवर्षे रणनीतिक योजना तयार

काठमाडौँ- काठमाडौँ महानगरपालिकाले विपत् व्यवस्थापनका लागि पाँचवर्षे रणनीतिक योजना तयार गरेको छ। आगामी वर्ष २०८१ बाट कार्यान्वयनमा ल्याइने गरी तयार पारिएकाे साे याेजनामा विपत् जोखिम न्यूनीकरणको पूर्वतयारी, विपत्पछिको पुनस्र्थापना, विपत्को समयमा गर्नुपर्ने व्यवस्थापन लगायतका विषयसहित सो रणनीतिक योजना तयार गरिएको महानगरपालिकाले जनाएको छ।

महानगरको विपत् व्यवस्थापन समितिका संयोजक प्रेम थापाले यस रणनीतिक योजनाबाट सुरक्षित सहर निर्माणमा योगदान पुग्नुका साथै सहरलाई सुरक्षित बनाउन मद्दत पुग्ने बताए। महानगरको आगामी नीति तथा कार्यव्रmमबारे बिहीबार आयोजित छलफलमा महानगरको विपत् व्यवस्थापन विभागका निमित्त प्रमुख गङ्गाधर गौतमले सो रणनीतिक योजनाबारे जानकारी गराए। उनले सहरको जोखिममा पहिलो जोखिम आगलागी भएको बताए। सामूहिक ज्ञान, सिप र सोचको विकासबाट जोखिम घटाउने काम गर्नुपर्ने आवश्यकतालाई रणनीतिक योजनाले पूरा गर्ने बताउँदै उनले आगामी वर्ष २०८१ बाट रणनीतिक योजना कार्यान्वयनमा ल्याइने जानकारी दिए।

रणनीतिक योजना अनुसार महानगरको आगामी आर्थिक वर्ष २०८१र८२ को नीति, बजेट, कार्यव्रmम प्रस्ताव गरिने उनको भनाइ थियो। महानगरको विपत् व्यवस्थापन महाशाखा प्रमुख विष्णुप्रसाद जोशीले पछिल्लो समय विद्युत्जन्य आगलागीको जोखिम बढ्दै भन्दै आगलागीको खबर प्राप्त भएको आधा मिनेटभित्र दमकल स्टेसनबाट बाहिर निस्कने व्यवस्था मिलाइएको जानकारी दिए।