पसलमा सामान किनेर नक्कली नोट दिएपछि…
Untitled
ललितपुर- ललितपुरबाट नक्कली नोटसहित दुई जना पक्राउ परेका छन्। पक्राउ पर्नेमा ललितपुरको गोदावरी नगरपालिका-१३ झरुवारासी बस्ने ओखलढुंगा सिद्धिचरण नगरपालिका-११ घर भएका ३६ वर्षीय जीवन भन्ने सुरेश तामाङ र कास्की मादी गाउँपालिका-१ घर भएका २१ वर्षीय सुकुटे भन्ने भुपाल विक आइतबार पक्राउ परेका छन्।
सुरेशले गोदावरी नगरपालिका-१३ झरुवारासीस्थित किराना पसलमा सामान किनेका थिए। सामान किनरे उनले दिएको नोट नक्कली भएको पत्ता लागेपछि प्रहरीमा सूचना पुगेको थियो। सोही पसल अगाडिबाट उनी आइतबार पक्राउ परेका हुन्।
तामाङको साथबाट नेपाली एक हजार दरको नोट १ थान, ५ सय दरको नोट १ थान र एक सय दरको नोट १ थान गरी जम्मा ३ थान नक्कली नोट बरामद भएको प्रहरीले जानकारी दिएको छ।
प्रहरीको अनुसन्धानको क्रममा नक्कली नोटको कारोबारमा भुपाल विकको समेत संलग्नता रहेको खुल्न आएको थियो। त्यसपछि उनलाई पनि ललितपुर गोदावरी नगरपालिका-११ बज्रवाराहीबाट पक्राउ गरिएको छ। नेपाली पाँच सय दरको नोट १ थान र सय दरको नोट १ थान गरी जम्मा २ थान नक्कली जस्तो देखिने नोटसहित फेला पारी बिहीबार प्रहरीले पक्राउ गरेको हो।
विकको गोदावरी नगरपालिका-१३ स्थित डेरा समेत तलासी गर्दा मुद्रासम्बन्धी कसुरमा प्रमाणमा लाग्ने फोटकपी/प्रिन्टर मेसिन १ थान, नेपाली एक हजार, पाँच र एक सय दरका नोट फोटोकपी गरिएको कागजातसमेत बरामद भएको ललितपुर प्रहरीले जानकारी दिएको छ। उनीहरूमाथि अनुसन्धान भइरहेको प्रहरीले जनाएको छ।
कहीँ नभएको जात्रा हाँडीगाउँमा !
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
