गुल्सनको प्रहार प्यारापिट बाहिर, कसले लग्यो बल?

काठमाडौँ-  खेलको १८औं ओभरको दोस्रो बलमा गुल्सन झाले प्रहार गरेको शानदार सट प्यारापिटबाहिर पुगेको थियो।

समर्थकले भेट्टाएको त्यो बल मैदानमा पुनः फिर्ता नै आएन।

त्यसपछि प्यारापिटमा रहेका समर्थकले ‘बेल दे’ भन्दै ठूलो स्वरमा नारा लगाएका थिए। अहिले नयाँ बलले खेल खेलिँदै छ।

प्रिमियर कपको फाइनल खेलमा खराब सुरुआत गरेको नेपालले लगातार तेस्रो विकेट गुमाएको छ। त्रिवि मैदानमा नेपालका ओपनर द्वय कुशल भुर्तेल र आसिफ शेख आउट भएका हुन्।

नेपालका ओपनर कुशल भुर्तेल त दोस्रो ओभरमै आउट भएका थिए। उनले आठ रन मात्र बनाए। त्यस्तै, खेलको तेस्रो नम्बरमा मैदान प्रवेश गरेका गुल्सन झा भने मैदानमा टिकेर खेलिरहेका छन्। उनी अर्धशतक नजिक पुगेका छन्। 

नेपालविरुद्ध अहिलेसम्म रोहन मुस्तफाले दुई विकेट लिएका छन् भने आयान खानले एक विकेट गिराए। नेपालले ११८ रनको लक्ष्य पछ्याइरहेको छ।

एसीसी प्रिमियर कप अन्तर्गतको फाइनल खेल सोमबार वर्षाका कारण अवरुद्ध भएपछि मंगलबार भएको हो।