डुंगा दौडाउने फेस्टिभल आयोजना गर्दै पोखरा, चीनबाट आउँदैछन् नाविक
Untitled
पोखरा- दक्षिण एसियामै पहिलो पटक पोखरामा नेपाल–चीन फ्रेन्डसिप ड्रागन बोट रेस (डुंगा दौडाउने) फेस्टिभल हुने भएको छ। नेपाल पर्यटन बोर्ड, नेपालस्थित चिनियाँ दूतावास र पोखरा महानगरपालिकाको संयुक्त आयोजनामा आगामी असार ८ र ९ गते पोखरामा पहिलो पटक ‘नेपाल–चीन फ्रेन्डसिप ड्रागन बोट रेस फेस्टिभल’ हुने भएको हो।
दुई देशबिच सांस्कृतिक तथा जनस्तरको सम्बन्ध सुमधुर बनाउँदै नेपालमा चिनियाँ पर्यटक बढाउने उद्देश्यले फेस्टिभल आयोजना गर्न लागिएको उक्त कार्यक्रमका सम्बन्धमा बिहीबार नेपाल पर्यटन बोर्ड र चिनियाँ दूतावासका अधिकारीबीच सम्झौता भएको हो।
पोखरा महानगरपालिकाका प्रमुख धनराज आचार्य र नेपाल पर्यटन बोर्डका सदस्य मदन आचार्यको उपस्थितिमा सम्पन्न कार्यक्रममा नेपाल पर्यटन बोर्डका तर्फबाट बोर्डका कार्यकारी प्रमुख डा. धनञ्जय रेग्मी र नेपालस्थित चिनियाँ दूतावासका तर्फबाट डेपुटी चिफ अफ मिसन (डीसीएम) वाङ जिनले सम्झौतापत्रमा हस्ताक्षर गरेका हुन्।
दूतावासका अनुसार यस प्रकारको बोट रेस फेस्टिभल दक्षिण एसियामै पहिलो पटक आयोजना गर्न लागिएको हो। रेसका लागि चीनबाट ८ वटा विशेष बोटसहित सहभागीहरू नेपाल आउनेछन्। फेस्टिभलमा नेपालका सातै प्रदेशबाट सहभागिता रहनेछ।
यस कार्यक्रमले नेपालकै समग्र पर्यटनमा नयाँ आयाम थप्ने पोखरा महानगरपालिकाका प्रमुख आचार्यले विश्वास व्यक्त गरे। पोखराको पर्यटनमा नयाँ प्रडक्ट थपिने र यसलाई हरेक वर्ष आयोजना गरिने उनको भनाइ छ। फेस्टिभलपछि ८ थान डुङ्गाहरू चिनियाँ पक्षको तर्फबाट पोखरा महानगरलाई हस्तान्तरण गरिने छ।
बोर्डका कार्यकारी प्रमुख डा धनञ्जय रेग्मीले बोट रेस फेस्टिभलका माध्यमबाट पोखराको पर्यटनलाई थप चलायमान बनाउन सहयोग पुग्ने बताए। चिनियाँ दूतावासका डीसीएम वाङ जिनले पोखरा चिनियाँ पर्यटकको लागि आकर्षक गन्तव्य भएको उल्लेख गरे।
कार्यक्रमले दुवै देशबीचको सांस्कृतिक तथा जनस्तरको सम्बन्ध थप प्रगाढ हुने उनले विश्वास व्यक्त गरे। उक्त अवसरमा फुड फेस्टिभल समेत आयोजना गरिनेछ।
कामना सेवा विकास बैंकको निष्क्रिय कर्जा घट्यो, वितरणयोग्य नाफा र ईपीएसमा सुधार
एनपीएलमा चाँदीको बल पुरस्कार, पहिलो विजेता बने शेर मल्ल
कर्नालीका हिमाली जिल्लामा नियमित उडानका लागि संघीय सरकारसँग छलफल गर्दै मुख्यमन्त्री
सिटिजन्स सुपर ५० को इकाई मंसिर २ देखि बिक्रीमा, न्यूनतम १०० इकाई भर्नुपर्ने
एसियन हाइवे र झापाको विकास निर्माणमा सांसदको चासो, सिडिओ कार्यालयमा छलफल
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
