पूर्वगृहमन्त्री खाँण र उनका स्वकीय सचिव पक्राउ

काठमाडौं- नेपालीलाई नक्कली शरणार्थी बनाएर अमेरिका पठाउने गिरोहसँग जोडिएको भन्दै नेपाली कांग्रेसका नेता तथा पूर्वगृहमन्त्री बालकृष्ण खाँणसँगै उनका स्वकीय सचिव नरेन्द्र केसीलाई प्रहरीले प्रहरीले नियन्त्रणमा लिएको छ।

उनका सहयोगी केसीसहित खाँणलाई बुधबार बिहान उनकै निवास चाबहिलबाट पक्राउ गरिएको काठमाडौं प्रहरीले नियन्त्रणमा दिएको हो।

मैजुबहालको निवासबाट नियन्त्रणमा लिएर उनीहरूलाई अपराध महाशाखा बानेश्वर लगिँदै छ। त्यसपछि उनलाई काठमाडौं प्रहरी परिसर लगिने छ। अब गृहमन्त्री खाँणलाई सोधपुछ पछि घर जान दिने कि नियन्त्रणमा राख्ने भनेबारे प्रहरीले निर्णय गर्ने भएको छ।

यही विषयमा यसअघि हिजो मंगलबारसम्म उक्त प्रकरणमा ११ जनालाई प्रहरीले पक्राउ गरिसकेको प्रहरीले जानकारी दिएको छ। मङ्गलबार नै काठमाडौंको टोखाका रामशरण केसी र मोरङका गोविन्द चौधरीलाई समेत प्रहरीले पक्राउ गरेको थियो।

नेपालीलाई नक्कली शरणार्थी बनाएर अमेरिका पठाउने गिरोहसँग जोडिएको भन्दै उनीहरूलाई अनुसन्धानका लागि समातिएको हो। गिरोहले खाँणपत्नी मञ्जुलाई ६ करोड रुपैयाँ बुझाएको अडियो सार्वजनिक भएको थियो।

त्यसअघि प्रहरीले पूर्वगृहमन्त्री रामबहादुर थापाका सुरक्षा सल्लाहकार इन्द्रजित राईसहित बहालवाला सचिव (तत्कालीन गृहसचिव) टेकनारायण पाण्डे, सन्दीप रायमाझी, केशव दुलाल, सानु भन्डारी, टङ्क गुरुङ, सन्देश शर्मा पोखरेल र सागर थुलुङलाई पनि पक्राउ गरिसकेको छ।

अडिओबारे प्रहरीले छानबिन गरिरहेको छ। सोही प्रकरणमा जोडिएका पूर्वउपप्रधानमन्त्री एवं एमाले सचिव टोपबहादुर रायमाझी वैशाख २० देखि फरार छन्। रायमाझीलाई भने प्रहरीले खोजी गरिरहेको छ।

जिल्ला प्रहरी परिसरले उनीविरुद्ध सङ्गठित अपराधमा अनुसन्धान गरिरहेको छ। उक्त घटनामा हालसम्म एक सय छ जनाले २० जाहेरी दिएका छन्। उनीहरूले कुल रु २३ करोड २५ लाख ठगी भएको भनी प्रहरीमा जाहेरी दिएका छन्।