वानिन्दु हसरंगाले टी-२० क्रिकेटमा बनाए नयाँ कीर्तिमान
नेपाल क्लिक्स
एजेन्सी – श्रीलंकाका स्टार स्पिनर वानिन्दु हसरंगाले टी-२० क्रिकेटमा नयाँ विश्व कीर्तिमान बनाएका छन्।
उनले २०८ टी-२० क्रिकेटमा सबैभन्दा छिटो ३०० विकेट लिने कीर्तिमान बनाएका हुन्। हसरंगाले आइटी टी-२० लिगमा यो विशेष उपलब्धि रचेका हुन्।
जारी आइटी टी-२० लिगमा शारजाह वारियर्स र डेजर्ट भाइपर्सबीचको खेलमा हसरंगाले भाइपर्सका लागि खेल्दै तीन विकेट लिए। यी तीन विकेटको मद्दतमा हसरंगाले इतिहास रचेका हुन्। साथै एन्ड्रयु टाईको कीर्तिमान पनि तोडेका हुन्।
यसअघि टी-२० मा सबैभन्दा छिटो ३ सय विकेट पूरा गर्ने कीर्तिमान एन्ड्रयु टाईको नाममा थियो।
एन्ड्रयु टाईले २११ खेलमा यो उपलब्धि हासिल गरेका थिए। योसँगै अफगानिस्तानका स्टार स्पिनर राशिद खानले २१३ खेलमा टी-२० खेलमा ३०० विकेट पूरा गरेका छन्। यो सूचीमा श्रीलंकाका महान फास्ट बलर मालिंगाको नाम पनि छ। मालिंगाको नाममा २२२ खेलमा ३०० विकेट लिने कीर्तिमान थियो।
मुस्ताफिजुर रहमानले २४७ र इमरान ताहिरले २४७ खेलमा ३०० विकेट लिएका छन्।
वानिन्दु हसरंगाले श्रीलंकाका लागि हालसम्म ७९ टी-२० अन्तर्राष्ट्रिय खेलमा कुल १३१ विकेट लिन सफल भएका छन्। योसँगै टी-२० मा हसरंगाको नाममा २०९ खेलमा ३ सय १ विकेट छ।
अन्तर्राष्ट्रिय टी–२० लिगको १८औँ खेलमा डेजर्ट भाइपर्सको टोली ८ विकेटले विजयी भएको छ।
टस हारेर ब्याटिङ गर्दै पोखरा, मैदानमा दिनेश खरेल र मेहदी हसन
एनपीएलले बढायो होटलहरूको कारोबार
एनपीएलमा चाँदीको बल पुरस्कार, पहिलो विजेता बने शेर मल्ल
एनपीएलका लागि ९ सहरमा एक्सट्रीमका १० फ्यान जोन, प्रवेश निःशुल्क
एनपीएल क्रिकेट: जनकपुर टस जितेर फिल्डिङमा
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
