जेलेन्स्कीले पाए बेलायतको साथ, २.२६ बिलियन पाउन्ड ऋणसम्बन्धी सम्झौतामा हस्ताक्षर
नेपाल क्लिक्स
एजेन्सी – अमेरिकी राष्ट्रपति डोनाल्ड ट्रम्पसँग चर्काचर्की गरेका युक्रेनका राष्ट्रपति भ्लादिमिर जेलेन्स्कीले बेलायतको साथ पाएका छन्।
उनले बेलायतका प्रधानमन्त्री किएर स्टार्मरसँग भेटवार्ता गरेका छन्। इंग्ल्यान्डको १० डाउनिंग स्ट्रीटमा भएको भेटका क्रममा किएरले बेलायतको पूर्ण समर्थन युक्रेनसँग रहेको बताए।
जेलेन्स्कीले राम्रो साथी पाएकोमा स्टार्मरसँग खुसी व्यक्त गरे। साथै युद्धमा साथ दिएकोमा उनले बेलायतलाई धन्यवाद दिए।
जेलेन्स्की र स्टार्मरले युक्रेनी सैन्य आपूर्तिका लागि २.२६ बिलियन पाउन्ड ऋणसम्बन्धी सम्झौतामा हस्ताक्षर गरे। यो ऋण रूसी सम्पत्तिबाट प्राप्त नाफालाई प्रयोग गरेर चुक्ता गरिने दुवै देशबीच सम्झौता भएको छ। यद्यपि यी सम्पत्तिहरू हाल कब्जामा रहेको बताइएको छ।
यसअघि जेलेन्स्कीले अमेरिकी राष्ट्रपति डोनाल्ड ट्रम्पसँग व्हाइट हाउसमा भेटवार्ता गरेका थिए। त्यहाँ दुवै जनाबीच चर्काचर्की भएको थियो।
बेलायतका प्रधानमन्त्री स्टार्मर आइतबार रूस-युक्रेन यद्ध अन्त्य गर्ने प्रयासका साथै युरोपीय सुरक्षासम्बन्धी चर्चाका लागि युरोपीय नेताहरूले आयोजना गर्ने शिखर सम्मेलनमा भाग लिने छन्।
त्यस्तै जेलेन्स्की बेलायतका राजा चार्ल्स तृतीयसँग भेटवार्ता गर्ने बताइएको छ।
भुटानमा हिमताल विस्फोट, भारतका राज्यहरूमा सतर्कता
कच्चा तेलको मूल्य बढेर ब्यारेलको ११७ डलरमाथि, महँगी बढ्ने जोखिम
स्पेनमा रेल दुर्घटनाः ६८ जनाको मृत्यु, तीन दिन राष्ट्रिय शोक घोषणा
चालु आर्थिक वर्षभित्रै एनआरएनए नागरिकता सम्बन्धि कानुनी बाधा हट्छ: मन्त्री खनाल
मूल्य वृद्धिले इटालीमा इन्धन संकट, आपूर्ति शृंखला प्रभावित
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
