महिला टी–२० विश्वकप २०२६ को छनोट प्रतियोगिता नेपालमा हुने
नेपाल क्लिक्स
काठमाडौँ– महिला टी–२० विश्वकप २०२६ को छनोट प्रतियोगिता नेपालमा हुने भएको छ।
अन्तर्राष्ट्रिय क्रिकेट काउन्सिल (आइसिसी) ले नेपाललाई महिला टी–२० विश्वकप २०२६ को छनोट प्रतियोगिता आयोजना गर्ने जिम्मेवारी दिएको हो।
यो प्रतियोगिता अर्को वर्ष सन् २०२६ को जनवरी १२ देखि फेब्रुअरी २ सम्म नेपालमा हुनेछ।
छनोट प्रतियोगितामा कुल १० टोलीले प्रतिस्पर्धा गर्नेछन्। छनोट प्रतियोगिताबाट उत्कृष्ट चार टोलीले सन् २०२६ मा इंग्ल्यान्ड र वेल्समा हुने मुख्य विश्वकपमा आफ्नो स्थान पक्का गर्नेछन्।
सन् २०२४ को महिला टी–२० विश्वकपमा सहभागी भएका आधारमा बंगलादेश र आयरल्यान्डले छनोट प्रतियोगितामा स्वतः स्थान बनाएका थिए।
त्यसैगरी, एसियाली क्षेत्रबाट थाइल्यान्ड र आयोजकको रूपमा नेपाल छनोट भएका थिए। अमेरिका क्षेत्रबाट संयुक्त राज्य अमेरिकाले आफ्नो स्थान सुरक्षित गरेको थियो।
बाँकी पाँच स्थानका लागि अफ्रिका र युरोपबाट दुई–दुई तथा पूर्वी एसिया–प्रशान्त क्षेत्रबाट एक टोलीले आ–आफ्नो क्षेत्रीय छनोट जितेर आउनेछन्।
नेपालमा हुने प्रतियोगितामा सहभागी १० टोलीलाई पाँच–पाँच टोलीको दुई समूहमा विभाजन गरिनेछ। समूह चरणपछि सुपर सिक्स र फाइनल खेल हुनेछ। प्रतियोगिताको विस्तृत खेल तालिका भने आइसिसीले पछि सार्वजनिक गर्नेछ।
सन् २०२६ मा इंग्ल्यान्ड र वेल्समा हुने मुख्य आइसीसी महिला टी–२० विश्वकपको तालिका पनि सार्वजनिक भइसकेको छ।
यो प्रतिष्ठित प्रतियोगिता सन् २०२६ को जुन १२ देखि जुलाई ५ सम्म चल्नेछ। प्रतियोगिताको फाइनल ऐतिहासिक लड्र्स क्रिकेट मैदानमा आयोजना हुनेछ।
सानिमा बैंकको नाफा १३१ प्रतिशतको उछाल, तीन महिनामा १ अर्ब ५ करोड
नागढुङ्गा सुरुङमार्ग प्रयोग गरे शुल्क लाग्ने, कुन गाडीलाई कति दस्तुर?
लक्ष्मी सनराइज बैंकद्वारा ५.२६ प्रतिशत लाभांश घोषणा
भारत–चीन जोड्ने कर्णाली करिडोर: व्यापार, पर्यटन जलविद्युतको सम्भावना
स्पेनमा रेल दुर्घटनाः ६८ जनाको मृत्यु, तीन दिन राष्ट्रिय शोक घोषणा
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
