सुरु भयो एमालेको नयाँ नेतृत्वका लागि भएको निर्वाचनको मतगणना

काठमाडौँ: नेकपा एमालेको ११औँ महाधिवेशनबाट नयाँ नेतृत्वका लागि भएको निर्वाचनको मतगणना सुरु भएको छ। एमाले निर्वाचन आयोगका अनुसार उपाध्यक्ष सानुराज पोखरेलका अनुसार दुवैतर्फका उम्मेदवारहरूको तर्फबाट ५/५ जना प्रतिनिधि राखेर मतगणना सुरु भएको हो।

काठमाडौँको भृकुटीमण्डपमा बुधबार बिहान ९:२० बजेदेखि सुरु भएको मतदान २१ घण्टापछि बिहीबार बिहान ७ बजे सकिएको थियो। । मतदानमा ८० वटा विद्युतीय भोटिङ मेसिन प्रयोग गरिएका थिए।

मतदानमा दुई हजार २२७ जनाले मतदान गरेकोमा ३६ प्रतिनिधि मतदानमा अनुपस्थित भएका थिए । महाधिवेशनमा दुई हजार २६३ प्रतिनिधि मतदाता रहेका थिए।

कुल ३०१ केन्द्रीय सदस्य, २५ सदस्यीय लेखा आयोग र २५ सदस्यीय अनुशासन आयोगका गरी ३५१ पदका लागि निर्वाचन भएको हो। अध्यक्ष पदमा पार्टी नेतृत्वका लागि केपी शर्मा ओली तेस्रो पटक दोहोरिन चाहेका छन् भने उनीविरुद्ध ईश्वर पोखरेल मैदानमा उत्रिएका छन्।

महासचिव पदमा शंकर पोखरेल र सुरेन्द्रप्रसाद पाण्डेबीच प्रतिष्पर्धा भएको छ।

मतगणना सुरु भएसँगै आहिले हलबहिर उमेदवार र कार्यकर्ता मतपरिणाम कुर्दै छ्न्।