दुई दिनमा ९ हजारले घट्यो सुनको मूल्य

काठमाडौँ: केही दिनयता स्थानीय बजारमा निरन्तर बढिरहेको सुनको मूल्य पछिल्ला दुई दिनमा ९ हजार रुपैयाँले घटेको छ। मंगलबार ७ हजार ९ सय रुपैयाँ घटेर दुई लाख ६२ हजार १०० रुपैयाँमा कारोबार भएको सुनको मूल्य बिहीबार एक हजार १०० रुपैयाँले घटेको छ।

यसदिन सुन तोलामा दुई लाख ६१ हजार रुपैयाँमा खरिदबिक्री भैरहेको छ।

यस्तै आज चाँदीको मूल्य पनि घटेको छ। नेपाल सुनचाँदी महासंघका अनुसार यसदिन चाँदीको मोल रू चार हजार ४७० कायम भएको छ।

मङ्गलबार चाँदीको मोल रु चार हजार ५९० मा थियो।