आर्थिक हिसाबले देश संकटको भुमरीमा फस्दै गैरहेको छ: पूर्वअर्थमन्त्री आचार्य

काठमाडौँ: नेपाली कांग्रेसका नेता तथा पूर्वअर्थमन्त्री महेश आचार्यले आर्थिक हिसाबले देश संकटको भुमरीमा फस्दै गइरहेको बताएका छन्। बुधबार बौद्धिक पेशाकर्मी अभियानको अन्तरक्रिया कार्यक्रममा उनले देश संकटको भुमरीमा फस्दै गइरहेको र  पैसा हुँदा पनि खर्च गर्न सकिने सामर्थ्य नहुँदा सरकार झन्–झन् कमजोर हुँदै गइरहेको धारणा राखे।

उनले भने, ‘आथिक दृष्टिकोणले देश संकटको भुमरीमा फस्दै गइरहेको छ। सरकार सँग पैसा छ। तर त्यसलाई खर्च गर्न सकिने सामर्थ्य नहुँदा सरकार झन्–झन् कमजोर हुँदै गइरहेको छ।’

उनले कांग्रेस सत्तामा गएर परिर्वतनको धारालाई प्रतिनिधित्व गर्न चाहेको बताए।

‘कांग्रेस सत्तामा जान चाहन्छ। सत्तामा गएर परिर्वतनको धारालाई प्रतिनिधित्व गर्न चाहन्छ,’ उनले भने, ‘सत्तामा मात्र नभइ देशको मूलभूत मुद्दामा केन्द्रित गर्न चाहन्छौँ। कांग्रेस सधैँ सत्तामा छैन।’

सुशासनको माग र भ्रष्टचारको दलदलमा देश फसेको चिन्ता र बहस आमजनता माझ भएको उल्लेख गर्दै उनले दलदलबाट कसरी निकाल्ने भन्ने बहस अगाडी बढाउनुपर्नेमा जोड दिए।