सामाजिक सञ्जालमा अफवाह फैलाउनेहरु निगरानीमा, १० सदस्यीय समिति गठन

यसबीच लुम्बिनी प्रदेश प्रहरी प्रमुख एवं प्रहरी नायब महानिरीक्षक भूपेन्द्रबहादुर खत्रीले रसुवा बाढीपछि देश तथा विदेशमा समेत चिन्ता र चासो छाइरहेको दुःखको यस घडीमा नागरिकको जिउधनको सुरक्षासहित शान्ति सुव्यवस्था कायम गर्न प्रदेश प्रहरी संयन्त्र अहोरात्र खटिएको बताएका छन्।

उनले प्राकृतिक विपद्को समयमा पनि चोरी, ठगी तथा डकैतीलगायत आपराधिक गतिविधि न्यूनीकरण तथा नियन्त्रणमा प्रदेश प्रहरी सचेत रहेको बताए। चोरी, तस्करी, लागुऔषध कारोबार तथा सीमा क्षेत्रमा हुने अवैध गतिविधिमाथिको निगरानीलाई तीव्र बनाइएको उनको भनाइ छ।

उनका अनुसार सामान्य छिटपुट घटनाबाहेक पछिल्लो समयमा प्रदेशको अवस्था सामान्य छ।

प्रहरी प्रशासनको सक्रियताका कारण दाङ–तुलसीपुरबाट ११ बोरा पटाकासहित २१ वर्षीय प्रेम कसौधन र २१ वर्षीय सञ्जीव गुप्ता तथा नवलपरासी–प्रतापपुरबाट स्रोत नखुलेको २१ लाख ६० हजार रुपैयाँ नगदसहित पाँच जनालाई नियन्त्रणमा लिएको लुम्बिनी प्रदेश प्रहरी कार्यालयले जनाएको छ।