मकवानपुरमा एकआपसमा ठोक्किए ट्रक, तीन जनाको मृत्यु
रासस
हेटौंडा– मकवानपुरमा सवारी दुर्घटनामा परेर तीन जनाको मृत्यु भएको छ। मनहरी गाउँपालिका–६ नयाँबस्ती डिपाट गाउँस्थित पूर्व पश्चिम सडक खण्डमा दुई ट्रक एकआपसमा जुध्दा ठूलो दुर्घटना भएको हो।
शुक्रबार राती पौने २ बजे हेटौंडाबाट चितवनतर्फ जाँदै गरेको ना६ख ६६६७ नम्बरको ट्रक र विपरीत दिशातर्फबाट आउँदै गरेको ना६ख ६३१ नम्बको ट्रक एकापसमा ठक्कर खाई दुर्घटना हुँदा दुवै ट्रकमा आगलागी भएको जिल्ला प्रहरी कार्यालय मकवानपुरका प्रहरी नायब उपरीक्षक टेकबहादुर कार्कीले बताए।
दुर्घटनामा तीन जनाको ज्यान गएको कार्कीले बताए। मृत्यु हुनेमा ना६ख ६६६७ नम्बरको ट्रक चालक जिल्ला चितवन राप्ति नपा ८ का वर्ष २८ का रिहान रुम्बा तामाङ, सहचालक गोरखा गण्डकी गापा–२ गोर्दीटारका वर्ष २१ का सुमन चेपाङ र ना६ख ६३१ नम्बरको ट्रक सहचालक जिल्ला मकवानपुर मनहरी गापा–३ का वर्ष २० का अमृत प्रजा रहेको कार्कीले जानकारी दिए।
ट्रकमा लागेको आगलागी नियन्त्रणमा लिन हेटौंडाबाट दुई वटा दमकल ल्याइए पनि दुवै सवारी पूर्णरुपमा क्षतिग्रस्त भएको प्रहरीले बताएको छ। दुर्घटनामा दुई जना घाइते भएका छन्।
घाइते हुनेमा ना६ख ६६६७ नम्बरको ट्रकमा सवार चितवन राप्ति नपा–३ का वर्ष ३५ को विवेक तमाङ र ना६ख ६३१ नम्बरको ट्रक चालक मकवानपुर मनहरी गापा–३ का वर्ष ३२ का अर्जुनकुमार प्रजा रहेको बताइएको छ।
रासस
स्पेनमा रेल दुर्घटनाः ६८ जनाको मृत्यु, तीन दिन राष्ट्रिय शोक घोषणा
बगर बन्यो धानखेत
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
