नेपालको छैटौं विकेट पतन, शीर्ष ब्याटर सबै आउट

काठमाडौं – श्रीलंकामा हिजोबाट सुरु भएको एसीसी टिम्स एसिया कपअन्तर्गतको आफ्नो पहिलो खेलमा लज्जास्पद सुरुआत गरेको छ। सुरुआति पाँच ओभरमै नेपालले तीन विकेट गुमाएको नेपालले थप दुई विकेट पनि गुमाएको छ। नेपालले ओपनर जोडी कुशल भुर्तेल र आशिफ शेखक साथै कप्तान रोहित पौडेल, भीन सार्की र आर्जुन साउँद पनि आउट भएका हुन्।

कोलोम्बो क्रिकेट ग्राउन्डमा जारी खेलमा नेपालले टस जितेर पहिले ब्याटिङ रोजेको थियो। तर पाकिस्तानी बलरले घातक सुरुआत गरेपछि नेपालको तीन खेलाडी सुरुमै आउट भएका हुन्।

ओपनर कुशल भुर्तेल छ बलमा एक रन बनाएर बाहिरिएका थिए। उनलाई शाहनवाज धनानीले तेस्रो ओभरको पहिलो बलमा आउट गरेका हुन्। कुशल आउट हुँदा नेपालको खातामा १४ रन मात्र थियो। त्यस्तै अर्को ओपनर आशिफ शेख पनि धनानीकै हातको सिकार भए।

आसिफले १२ बलमा १२ रन बनाएर आउट भए। उनी आउट हुँदा नेपालको खातामा १२ रन मात्र थियो।

चौथो नम्बरमा मैदान छिरेका कप्तन रोहितलाई भने मुहम्मद वासिमले पेवेलियन फर्काएका थिए। रोहितलाई मोहम्मद ह्यारिकले क्याच गरेका हुन्। रोहित आउट हुँदा नेपालको खातामा २४ रन मात्र छ। यससँगै नेपालले कमजोर सुरुआत गर्यो।

तेस्रो नम्बरका ब्याटर अर्जुन साउँद पनि २० बलमा १७ रन बनाएर आउट भए। उनलाई सस्तैमा आउट गर्दा नेपालले ३५ रन मात्र बनाएको थियो। उनलाई पाकिस्तानका धनानीले नै पेवेलियनको बाटो देखाएका थिए। धनानीको बललाई ह्यारिसले क्याच आउट गरेपछि उनी बाहिरिए।

अर्जुन आउट हुनुअघि नै पाँचौ नम्बरमा मैदान छिरेका भीम सार्की आउट भइसकेका थिए। शून्य रन बनाएका भीम वासिमको सिकार भए। त्यस्तै सातौं नम्बरका पवन सर्राफलाई पनि धनानीले नै आफ्नो सिकार बनाएका छन्। उनी आउट भएसँगै नेपालको छैटौं विकेट पनि गएको छ।

अहिलेसम्म धनानीले चार तथा वासिमले दुई वकेट लिएका छन्।

नेपाली टिमका कप्तान रोहित पौडेलले टस जितेपछि पहिला ब्याटिङ गर्ने निर्णय लिएका थिए। यता टस हारेपछि पाकिस्तानी कप्तान मोहम्मद हरिसको टिमले पहिले नेपालविरुद्ध बलिङ र फिल्डिङ गरिरहेको छ।

नेपालसँग खेल्ने पाकिस्तान को ए टोली हो। त्यो टिममा पाकिस्तानको सिनियर टोलीबाट खेलेका ८ युवा र स्टार खेलाडी रहेका छन्। पाकिस्तान साविक विजेता टिमसमेत हो।

नेपाल रहेको समूह बी मा पाकिस्तन, भारत र युएई पनि रहेका छन्। त्यस्तै, समूह ए मा श्रीलंका, अफगानिस्तान, बंगलादेश र ओमान ए छन्।