संविधानसभा अध्यक्ष सुवास नेम्बाङको निधन
नेपाल क्लिक्स
काठमाडौं– संविधानसभा अध्यक्ष एवं एमाले उपाध्यक्ष सुवास नेम्बाङको निधन भएको छ। प्रतिनिधिसभा सदस्यसमेत रहेका नेम्बाङको मंगलबार राती १ बजे हृदयघातबाट निधन भएको हो। बालुवाटर बस्ने उनलाई हृदयघात भएपछि महाराजगन्जस्थित टिचिङ अस्पताल लगिएको थियो। अस्पतालमा लैजाँदै गर्दा बाटोमै उनको निधन भइसकेको बताइएको छ।
प्रधानमन्त्री पुष्पकमल दाहाल प्रचण्ड, प्रतिनिधिसभाका सभामुख देवराज घिमिरे र एमाले अध्यक्ष केपी शर्मा ओली टिचिङ अस्पातलमा पुगिसकेका छन्। इलाम २ बाट निर्वाचित नेम्बाङ २८ फागुन २००९ मा इलाममा जन्मिएका थिए। उनी इलाम २ बाट २०५६ देखि संसदीय चुनावमा निरन्तर विजयी हुँदै आएका थिए।
२०४८ देखि २०५२ सालसम्म उनी राष्ट्रिय सभाका सांसद थिए। २०६३ मा पहिलोपटक सभामुख बनेका नेम्बाङ अन्तरिम संसदमा समेत सभामुख बनेका थिए। पहिलो र दोस्रो संविधान सभाका अध्यक्ष र सभामुख बनेका नेम्बाङकै कार्यकालमा ३ असोज २०७२ मा संविधान जारी भएको थियो। २०५१ मा न्याय, कानुन तथा संसदीय मन्त्री बनेका नेम्वाङ २०५६ मा लेखा समिति सभापति बनेका थिए।
स्नातक अध्ययनका क्रममा २०२८÷२०२९ मा अनेरास्ववियुबाट इलाम बहुमुखी क्याम्पसको स्ववियु सभापति बनेका नेम्वाङ २०२८ देखि राजनीतिमा निरन्तर सक्रिय थिए। २०३३ मा राजकाज मुद्दामा केन्द्रीय कारागारमा थुनामा रहँदा कम्युनिष्ट पार्टी को–ओर्डिनेसन केन्द्र मालेमा संगठित भएका नेम्बाङ एमालेको केन्द्रीय न्यायिक समिति सदस्य हुँदै २०७८ मा एमाले उपाध्यक्ष बनेका हुन्।
पञ्चायती निरंकुशताविरुद्धको राजनीतिक आन्दोलनका क्रममा पटक–पटक सार्वजनिक सुरक्षा अन्तर्गत नजरबन्दमा परेका नेम्बाङ प्रधानमन्त्री तुलसी गिरीको पालामा चलाइएको राजकाज मुद्दामा ७ महिना जेल परेका थिए।
वरिष्ठ अधिवक्ता समेत रहेका नेम्बाङले केही समय नेपाल ल क्याम्पसमा पढाएका थिए। प्रध्यापन, कानुन व्यवसाय र राजनीतिलाई एकसाथ अघि बढाएका नेम्बाङ नेपाल बार एसोसिएसनको पूर्वमहासचिवसमेत हुन्। नेम्वाङ स्वच्छ र इमान्दार छवि भएका नेता थिए।
आन्दोलनरत चिकित्सक र सरकारबीच ५ बुँदे सहमति
सुनसरीमा भएको घटनाका सम्बन्धमा छानबिन गर्न गठित समितिमा दुई सदस्य थप
५ बुँदे मागसहित लघुवित्त पीडितहरू दुई दिनदेखि आमरण अनसनमा
९ वटा विधेयक संसद्मा पेस गर्न स्वीकृति दिने मन्त्रिपरिषद्को निर्णय, कुन–कुन?
बैंकिङ कसुर मुद्दामा प्रभु बैंककी प्रमुख व्यवसाय अधिकृत रश्मी पन्त पक्राउ
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
