सिटीविरुद्ध सुरुवाती अग्रता जोगाउन नसक्दा लिभरपुल पराजित

काठमाडौं- इंग्लिस प्रिमियर लिगमा ठूला प्रतिद्वन्द्वी मानिएका लिभरपुल र म्यानचेस्टर सिटीबीच शनिबार राति भएको खेलमा लिभरपुल पराजित भएको छ। खेलको सुरुवाती चरणमै अग्रता बनाए पनि त्यसपछि लगातार चार गोल व्यहोरेसँगै लिभरपुलले सिटीको घरेलु मैदानमा ठूला हार बेहोरेको हो।

सिटीलाई जित दिलाउने क्रममा जुलियन अल्वारेजले २७औँ मिनेटमा गोल फर्काएर पहिलो हाफमा बराबरी गराएका थिए। त्यस्तै दोस्रो हाफमा केभिन डिब्रुएना, इल्के गुन्डोगन र ज्याक ग्रिलिसले गोल गरेका थिए।

यो जितसँगै एक खेल हातमै रहेको सिटी आर्सनलभन्दा आठ अंक पछि छ। यता लिभरपुल भने ४२ अंककासाथ आठौं स्थानमा कायम छ।

गएराति जित निकाले पछि सिटीका प्रशिक्षक पेप ग्वार्डिओलाले भनेका छन्, ‘मेरो जीवनको सबैभन्दा ठूलो प्रतिद्वन्द्वी हो, लिभरपुल। यो त्यस्तो टिम हो जसबाट अघि बढ्न निकै मुस्किल हुन्छ।’

गएरातिको खेलपछि लिभरपुलका प्रशिक्षक योर्गन क्लोपको बसोबास गर्ने क्षेत्रमा ढुंगा प्रहार भएको छ। यो हर्कतलाई तत्कालै म्यानचेस्टर सिटीले अस्वीकार्य काम भएको बताएको छ।

प्रिमियर लिगको गएरातिको अन्य खेलमा आर्सनलले लिड्सलाई ४–१ ले नै हराएको छ भने बर्नेमाउथले फुलहामलाई २–१ र नटम फरेस्टले उल्भसलाई १–१ ले हराएको छ।