मेगा बैंक हेटौंडाका तत्कालीन प्रवन्धक देवकोटा तीन दिनदेखि त्रिशूली नदीमा बेपत्ता
नेपाल क्लिक्स
काठमाडौं – तत्कालीन मेगा बैंक हेटौंडाका शाखाका प्रवन्धक निराजन देवकोटा त्रिशूली नदीमा हाम्फालेका छन्।
सोमबार साँझ साढे ६ बजे गजुरी गाउँपालिका-५ को घाटबेसीस्थित त्रिशूली नदीको पुलबाट देवकोटा हाम्फालेका हुन्।
पुलमा मोटरसाइकल रोकेर हेप्मेट र चप्पल फुकालेर देवकोटा त्रिशूली नदीमा हाम्फालेको प्रत्यक्षदर्शीलाई उद्धृत गर्दै धादिङका प्रहरी प्रमुख प्रहरी उपरीक्षक गौतम मिश्रले बताए।
‘साँझ हाम्फालेको भनेर स्थानीयहरूले खबर गरे, हिजो बिहानैदेखि खोजी गरे पनि फेला पार्न सकेका छैनौं,’ मिश्रले भने।
मिश्रका अनुसार देवकोटाको खोजीमा सशस्त्र प्रहरीको गोताखोर नदीमा परिचालन गरिए पनि देवकोटा फेला पर्न सकेका छैनन्।
‘नदीमा बाढी छ, खोजी कार्य भइरहेको छ,’ मिश्रले भने।
देवकोटा काठमाडौंबाट मोटरसाइकलमा हेटौंडा जाँदै थिए। त्यही क्रममा उनी त्रिशूली नदीबाट हाम्फालेका हुन्।
उनले किन आत्महत्याको बाटो रोजे भन्ने स्पष्ट हुन नसकेको मिश्रले बताए।
देवकोटाको घर हेटौंडा उपमहानगरपालिका-२ चौकीटोल हो।
तत्कालीन नेपाल इन्भेस्टमेन्ट बैंक र मेगा बैंकले २०७९ पुस २७ बाट नेपाल इन्भेस्टमेन्ट मेगा बैंकका नामबाट एकीकृत कारोबार सुरू गरेका थिए। उनलाई व्यवस्थापनले कर्जाको विषयलाई लिएर अनुसन्धान गरिरहेको थियो।
इन्भेस्टमेन्ट बैंकसँग मर्जर हुनुअघिको विषयलाई लिएर बैंकले अनुसन्धान गर्न थालेपछि उनी मानसिक तनावमा रहेको बुझिएको छ।
मेगा बैंकमा प्रवन्धक रहेकोमा दुई बैंक मर्ज भएपछि उनको पद गुमेको थियो।
कहीँ नभएको जात्रा हाँडीगाउँमा !
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
