स्क्रब टाइफसबाट भारतको उडिसामा ८ जनाको मृत्यु

दिल्ली- भारतको पूर्वी राज्य उडिसामा ‘स्क्रब टाइफस’को सङ्क्रमणका कारण आठ जनाको मृत्यु भएको छ। उडिसाका स्वास्थ्य सेवा विभागका निर्देशक निरञ्जन मिश्रले मृतकको संख्या ८ पुगेको जानकारी दिएका हुन्।

‘केही जिल्लामा उक्त भाइरस सङ्क्रमितको मृत्यु भएको रिपोर्ट आएको छ र हामी अहिले आठ जनाको मृत्युबारे अनुसन्धान गरिरहेका छौं,’ मिश्रले शुक्रबार भने।

स्क्रब टाइफसबाट मृतकको संख्या वृद्धि भएपछि परीक्षणमा वृद्धि गरिएको छ।

निर्देशकका अनुसार गत वर्ष राज्यमा करिब एक हजार ५०० सङ्क्रमित भेटिएका थिए।

‘प्रारम्भिक चरणमा, यो रोगले सामान्य रूपमा प्रयोग हुने एन्टिबायोटिकहरूको प्रयोगबाट उपचार गर्न सकिन्छ। त्यसैले यदि यसलाई प्रारम्भिक चरणमा उपचार गरियो भने, यो जटिल हुँदैन,’ मिश्रले भने।

बुश टाइफस पनि भनिने स्क्रब टाइफस ‘ओरिएन्टिया सुत्सुगामुशी नामक ब्याक्टेरियाबाट हुने रोग हो। यो जनावरहमा हुने किर्ना वा जुम्राको टोकाइबाट सर्छ।

स्क्रब टाइफसको सबैभन्दा सामान्य लक्षणमा ज्वरो आउने, टाउको दुख्ने, शरीर दुख्ने र कहिलेकाहीं चिलाउने जस्ता लक्षण देखिन्छन्।