कोशी प्रदेश नामकरणविरुद्ध आन्दोलनमा मृत्यु भएका पदमलाई सहिद घोषणा गर्ने सरकारको निर्णय
Untitled
काठमाडौँ- कोशी नामाकरणको विरोधमा आन्दोलनका क्रममा निधन भएका पदमबहादुर (लाजेहाङ) लिम्बूलाई सहिद घोषणा गरिने भएको छ। शुक्रबार सिंहदरबारस्थित प्रधानमन्त्री तथा मन्त्रीपरिषद्को कार्यालयमा बसेको मन्त्रीपरिषद्को बैठकले यस्तो निर्णय गरेको हो।
सरकारकी प्रवक्ता एवम् सञ्चार तथा सूचना प्रविधि मन्त्री रेखा शर्माले मृतक लिम्बूका परिवारलाई क्षतिपूर्ति उपलब्ध गराउने निर्णय पनि जानकारी दिइन्।
‘पदमबहादुर लिम्बूलाई सहिद घोषणा गर्ने र क्षतिपूर्ति उपलब्ध गराउने निर्णय भएको छ,’ उनले भनिन्, ‘नामकरणसम्बन्धी आन्दोलनलाई प्रदेशसँग वार्ता गरेर अघि बढ्न यहाँबाट सहजीकरण गर्ने कुरा भएको छ।’
चैत्र ५ गते कोशी प्रदेश नामकरणको विरोध कार्यक्रममा घाइते भएका पदम लिम्बू ‘लाजेहाङ’को चैत १० गते मृत्यु भएको थियो। निषेधित क्षेत्र तोडी मुख्यमन्त्री कार्यालय अगाडि प्रदर्शन गर्न जानेक्रममा प्रहरीको लाठी प्रहारबाट घाइते लिम्बूको शुक्रबार १० गते बिहान २:३० बजे धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको थियो।
लिम्बू संघीय लोकतान्त्रिक राष्ट्रिय मञ्चसम्बद्ध लिम्बूवान भोलेन्टियरका केन्द्रीय सहकमान्डर थिए। लिम्बूलाई सहिद घोषणा गर्नुपर्ने समितिको माग थियो।
२०३७ सालमा तेह्रथुम जिल्लाको साब्लामा जन्मिएका लिम्बू मोरङ जिल्लाको लालभित्तीका स्थायी बासिन्दा हुन्। उनी पछिल्लो समय धरानमा बसोबास गर्दै आएका थिए।
कहीँ नभएको जात्रा हाँडीगाउँमा !
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
