रास्वपाका सबै सांसद केन्द्रीय सदस्य
नेपाल क्लिक्स
काठमाडौं- राष्ट्रिय स्वतन्त्र पार्टी (रास्वपा)का सबै सांसद केन्द्रीय सदस्यमा मनोनित भएका छन्। महोत्तरीको जलेश्वरमा जारी केन्द्रीय समिति बैठकले यस्तो निर्णय गरेको हो।
रास्वपा उपसभापति डोलप्रसाद अर्यालका अनुसार सबै सांसदलाई केन्द्रीय सदस्यको जिम्मेवारी दिने निर्णय भएको हो। यद्यपि औपचारिक रूपमा बैठक सकिएपछि निर्णय सार्वजनिक गरिने उनले बताए।
सांसदलाई केन्द्रीय सदस्य बनाउँदा कार्यबोझ थपिने भएकाले कामकारबाही प्रभावकारी बन्नेमा शंका व्यक्त गर्दै केही केन्द्रीय सदस्यले प्रश्न पनि उठाएका थिए। तर अन्त्यमा सबै सांसदलाई केन्द्रीय समितिको सदस्य बनाउने शीर्ष नेताहरूबीच सहमति जुटेको थियो।
जलेश्वरमा रास्वपाको केन्द्रीय समिति तथा संसदीय दलको बैठक। तस्बिर : रास्वपा
बैठकमा सांसद डा. स्वर्णिम वाग्लेलाई उपसभापति बनाउन नहुने विषयमा पनि बहस भएको थियो। यो विषयमा पनि रास्वपामा दुई खाले मत छ। पार्टी विधानमा २ जना उपसभापति रहने प्रावधान रहेकाले वाग्लेलाई उपसभापति बन्न बाधा नपुग्ने बताइएको छ।
एक जना उपसभापति महिला हुनुपर्ने आवाज उठेपनि लामिछानेले वाग्लेलाई उपसभापति बनाउने तयारी गरेका छन्। उपनिर्वाचन अघि नै रविले स्वर्णिमलाई आफूपछिको दोस्रो वरियता दिने विषयमा अनौपचारिक रूपमा सहमति जनाइसकेको चर्चा रास्वपामा छ।
रास्वपाको केन्द्रीय समिति बैठक सोमबारदेखि जलेश्वरमा जारी छ। बैठक बुधबार सक्ने तयारी छ।
सरकारले गर्यो एनप्याब्सन निलम्बन, संगठनका गतिविधिमा रोक
कांग्रेसको नयाँ कार्यसमितिले आजदेखि जिम्मेवारी सम्हाल्ने
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
