विपन्नको विवाह नगरपालिकाले गरिदिने
नेपाल क्लिक्स
महोत्तरी- महोत्तरीको मनरासिसवा नगरपालिकाले विपन्न परिवारका सदस्यको विवाह गरिदिने भएको छ। नगरपालिकाले आगामी पुस १ गते विवाह पञ्चमीको अवसर पारेर विपन्न परिवारका सदस्यको विवाह गरिदिन लागेको हो।
दुलहा–दुलहीका लागि लुगा–कपडादेखि विवाहका लागि लाग्ने सम्पूर्ण खर्च नगरपालिकाले नै व्यहोर्ने बताएको छ। ‘पुष १ गते विवाह पञ्चमी पर्वको अवसरमा यस नगरपालिकाद्वारा विपन्न परिवारको लागि सामूहिक विवाह कार्यक्रम आयोजना गरिएको छ,’ नगरपालिकाले निकालेको सूचनामा भनिएको छ।
विवाह गर्न इच्छुक युवायुवतीका अभिभावकलाई मंसिर २५ गतेभित्र वडा कार्यालय अथवा नगरपालिकाको सामाजिक विकास शाखामा नाम दर्ता गर्न भनिएको छ।
इच्छुक जोडीलाई वैदिक परम्पराको विधिविधानअनुसार विवाह गरिदिने नगरपालिकाले जानकारी दिएको छ।
विवाह कार्यक्रमका क्रममा सम्पूर्ण व्यवस्थापन नगरपालिकाले गर्ने र विवाह कार्यक्रममा बेहुला-बेहुलीको तर्फबाट बढीमा १५–१५ जनामात्र सहभागी हुन पाइने बताइएको छ।
नगरपालिकाभित्रका जोडीलाई मात्रै विवाह गराइने पनि जानकारी दिएको छ।
सम्भावनाको दोबाटोमा भैरहवाः पुरानो गल्ला व्यापारदेखि औद्योगिकीकरणको मार्गमा
कोशी प्रदेशका विभिन्न जिल्लामा दुई दिन विद्युत आपूर्ति बन्द हुने
कर्णाली करिडोर चार लेन बनाउने: ३७ अर्ब लाग्ने, पाँच वर्षमा काम सक्ने
पत्रकारहरूमाथि प्रहरीको धरकपड
कर्णालीमा बैंकको कर्जा लगानी ६६ अर्ब ८५ करोड, सुर्खेतमै ६० प्रतिशत केन्द्रित
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
