‘अमेरिका, कोरिया, इजरायल र स्लोभाकिया पठाइदिन्छु’ भनी करोडौँ ठग्ने तीन जना पक्राउ
Untitled
काठमाडौं- वैदेशिक रोजगारीका लागि अमेरिका, दक्षिण कोरिया, इजरायल र स्लोभाकिय पठाइदिने भन्दै करोडौं रकम ठगी गर्ने तीन जनालाई प्रहरीले पक्राउ गरेको छ।
अमेरिका र कोरिया पठाइदिन्छु भनी ठगेको आरोपमा पक्राउ पर्नेमा काडमाडौँ जिल्ला काठमाडौं महानगरपालिका- १४ स्थाई घर भई हाल बूढानीलकण्ठ नगरपालिका कपन बस्ने ४२ वर्षीय पवन राणा छन्। उनी कपनबाटै पक्राउ परेका थिए।
काठमाडौं उपत्यका अपराध अुनसन्धान कार्यालयको प्रहरी टोली उनलाई पक्राउ गरेको हो। उनलाई हाल वैदेशिक रोजगार विभाग पठाइएको कार्यालयका सूचना अधिकृत प्रहरी उपरीक्षक सोमेन्द्र सिंह राठौरले जानकारी दिए। राणाले सयौं व्यक्तिलाई करोडौँ ठगेको प्रहरीको प्रारम्भिक अनुसन्धानले देखाएको छ।
यस्तै जीटुजी सम्झौता मार्फत ईजरायल पठाईदिन्छु भनी रकम ठगी गर्ने अर्का एक जनालाई पनि कार्यालयले पक्राउ गरेको छ। यसरी पक्राउ पर्नेमा जिल्ला जिल्ला बर्दिया गुलरिया-३ खैरापुर टोल स्थाई घर भई हाल काठमाडौं-२ लाजिम्पाट २६ वर्षीय सुनील कुमार यादव छन्।
यादवले नेपाल सरकार र ईजरायलबीच हुने जीटुजी सम्झौता मार्फत् सरकारी कोटामा इजरायल पठाइदिन्छु भनी ३१ लाख रुपैयाँ ठगी गरेको कार्यालयको प्रारम्भिक अनुसन्धानले देखाएको छ। उनलाई थप अनुसन्धानका लागि वैदेशिक रोजगार विभाग बुद्धनगर पठाइएको राठौरले जानकारी दिए।
मंगलबार स्लोभाकिया पठाइदिन्छु भनी १२ लाख रकम ठगी गर्ने अर्का एक व्यक्तिलाई पनि प्रहरीले पक्राउ गरेको छ।
पक्राउ पर्नेमा जिल्ला पाँचथर फाल्गुनन्द गाउँपालिका-३ घर भई हाल नख्खीपोट ललितपुर बस्ने ४६ वर्षीय एकराज नेम्बाङ छन्। उनलाई पनि विभाग पठाइएको छ।
कहीँ नभएको जात्रा हाँडीगाउँमा !
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
