सबैलाई एकनास छैन नयाँ वर्ष [तस्बिर]
Untitled
काठमाडौं – आजबाट वि. सं. २०८० साल सुरु भएको छ। नयाँ वर्ष प्रारम्भ भएको दिन मानिने यो बैसाख १ गते धेरै मानिसले घुमघाममा बिताउने गरेका छन्। आज देशभरीका मठ, मन्दिर, पर्यटकिय स्थल, फिल्म हललगायतमा मानिसको भीड लागिरहेको छ। साथै, नव वर्ष सुरु भएको दिन सबैले एक आपसमा शुभकामना आदानप्रदान गर्ने गरेका छन्।
देशका केही मानिस घुम्न निस्किँदा केही मजदुर भने कारकानामा काम गरिरहेको पनि देखिएको छ। ज्याला मजदुरी गरेर खाने मानिसलाई भने नयाँ वर्षले छोएको छैन, असर गरेको छैन।
नयाँ वर्ष सुरु भएको दिन सकारत्मक रुपमा वित्यो भने वर्षभरी सुखमय र राम्रो तवरले वित्ने जनविस्वास पनि रहिआएको छ। देभरी नयाँ नयाँ वर्षको विहानी यस्तो देखिएको छः
नयाँ वर्षको अवसरमा पोखरामा आयोजित फेवा नववर्ष महोत्सवमा मौलिक लोकभजन प्रस्तुत गर्दै स्थानीय कलाकार। तस्बिर : रामबहादुर थापा/रासस
हरेक वर्ष मध्यपुर थिमिमा मनाइने बिस्काः जात्राको दिन वैशाख १ गते प्रमुख देवता बालकुमारी माई, दक्षिण बाराही, अजिमालगायतको चान्हसिया जात्राका क्रममा स्थानीयद्वारा खट जात्रा गरिँदै । तस्बिरः रत्न श्रेष्ठ/रासस
हरेक वर्ष मध्यपुर थिमिमा मनाइने बिस्काः जात्राको दिन वैशाख १ गते प्रमुख देवता बालकुमारी माई, दक्षिण बाराही, अजिमालगायतको चान्हसिया जात्राका क्रममा स्थानीयद्वारा खट जात्रा गरिँदै। तस्बिरः रत्न श्रेष्ठ/रासस
नयॉ वर्षको अवसरमा तनहुँको व्यास नगरपालिका-१४ छाब्दीवाराही मन्दिरमा शुक्रबार भक्तजनको भीड । नयॉ वर्षमा छाब्दीवाराही मन्दिरमा भक्तजनको भीड लाग्ने गर्छ। तस्बिरः कृष्ण न्यौपाने/रासस
नव वर्षका अवसरमा टोखा नगरपालिका वडा नं २ टोखास्थित सपनतीर्थ मन्दिरमा भक्तजनको भीड। तस्बिर: हरिराम भेटुवालरासस
हरेक वर्ष मध्यपुर थिमिमा मनाइने बिस्काः जात्रा वैशाख १ गते प्रमुख देवता बालकुमारी माईको चान्हसिया जात्राका क्रममा चिलाख बालेर सहभागी स्थानीय । बिहान ४ बजे चिलाख बालेर लायकूबाट सुरू भएको जात्रामा सयौँ स्थानीयवासी बालकुमारी मन्दिरसम्म सहभागी हुने गर्छन् । तस्बिर: रत्न श्रेष्ठ.रासस
टोखा नगरपालिका वडा नं २ टोखास्थित सपनतीर्थ मन्दिर परिसरमा रहेको पोखरीमा स्नान गर्न र मन्दिरमा दर्शन गर्न आएका भक्तजन । हरेक वर्ष वैशाख १ गते यस पोखरीमा स्नान गर्न सर्वसाधारणको भीड लाग्ने गर्छ । तस्बिर: हरिराम भेटुवाल/रासस
नयाँँ वर्ष २०८० को पहिलो दिन शुक्रबार पशुपतिनाथको दर्शन गर्न बिहानैदेखि लामबद्ध भएर बसेका भक्तजन। तस्बिर: विमलबहादुर विष्ट/रासस
समुद्री सतहदेखि तीन हजार ७९४ मिटर उचाइमा अवस्थित ताप्लेजुङको प्रसिद्ध धार्मिकस्थल पाथीभरा देवी। तस्बिरः दिलकुमार लिम्बू/रासस
म्याग्दीको प्रशिद्ध पर्यटकीयस्थल पुनहिलबाट देखिएको सुर्योदयको दृश्य र दृश्यावलोकन गर्दै आन्तरिक पर्यटक। तस्बिर : ध्रुवसागर शर्मा/रासस
नव वर्षको पहिलो दिन भक्तपुरको निकोसेरास्थित वाराही इँट्टाभट्टामा इँट्टा बोक्न र चाङ लगाउन व्यस्त श्रमिक। तस्बिरः नारायण न्यौपाने/रासस
