प्रहरीको नक्कली छाप बनाएर भ्रामक विवरण सञ्चारमाध्यममा दिने पसले पक्राउ
Untitled
रुपन्देही- स्टेसनरी पसल सञ्चान गरी प्रहरीको नक्कली छाप बनाएर भ्रामक विवरण सञ्चारमाध्यममा पठाएको आरोपमा एक जना पक्राउ परेका छन्। पक्राउ पर्नेमा सिद्धार्थनगर नगरपालिका-१२ स्थित जिल्ला प्रहरी कार्यालयको गेटअगाडि स्टेसनरी व्यवसाय सञ्चालन गर्दै आएका भीमबहादुर अधिकारी छन्।
उनलाई सरकारी छाप कीर्ते अभियोगमा नियन्त्रणमा लिई अनुसन्धान सुरु गरिएको प्रहरीले जानकारी दिएको छ। उनको पसलबाट एकथान ल्यापटप र जिल्ला प्रहरी कार्यालयको सरकारी छाप बरामद गरिएको जिल्ला प्रहरी कार्यालयका प्रवक्ता तथा प्रहरी नायब उपरीक्षक श्यामु अर्यालले जानकारी दिए।
प्रहरी कार्यालयको डकुमेन्ट स्क्यान गरी उनले त्यसलाई एडिट गरेका थिए। उनले प्रहरीको छाप समेत नक्कली बनाएका थिए। प्रहरी कार्यालयको लेटरहेड स्क्यान गरी विवरण थपघट गरेका थिए। यसरी लेटरप्याडसमेत बनाइ भ्रामक विवरण विभिन्न सञ्चारमाध्यममा पठाएका थिए।
जिल्ला प्रहरी कार्यालयको सरकारी छापसमेत प्रयोग गरी झुटो भ्रामक विवरण प्रेषित गरेको पाइएको प्रनाउ अर्यालले जानकारी दिए। निजलाई रुपन्देही जिल्ला अदालतबाट सरकारी छाप कीर्ते मुद्दामा सात दिन म्याद थप गरी थप अनुसन्धान भइरहेको प्रहरीले जनाएको छ।
कहीँ नभएको जात्रा हाँडीगाउँमा !
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
