बाटोमा जे-जे देखियो [२० तस्बिर]
Untitled
काठमाडौँ- वर्षायाम सुरु भएसँग बाटो बिग्रने क्रम पनि सुरु भएको छ। बिग्रिएको सडकमा यात्रा गर्दा दुर्घटनाको जोखिम बढी हुन्छ।
सोमबार दिउँसो धादिङको धुनिवेशी नगरपालिका–६ र थाक्रे गाउँपालिका वडा नं ८ को सिमाना जोड्ने गणेश खोला पुलको मुखमा जमिन भासियो। आज बिहान १० बजेसम्म सवारी आवागमन ठप्प रह्यो।
सयौँ सवारी बाटोमै अलपत्र रोकिए। कति यात्रुले भोकनिन्द्रा भन्न पाएनन् गन्ती छैन। एम्बुलेन्स पनि बाटैमा रोकियो। बाटो बिग्रँदा हुने सास्तीका विषयमा जानकार हुन बाँकी सायदै होला, तर सडक सुधारमा पर्याप्त चासो भने केन्द्रित भएको छ।
देशभरका विभिन्न स्थानको बाटो र बाटोमा आवतजावत भएका दृश्यलाई विभिन्न स्थानबाट राससका पत्रकारहरूले खिचेका दृश्य हेरौँ।
पृथ्वी राजमार्ग अन्तर्गत धादिङको धार्केस्थित गणेशखोला पुलको मुखमा जमिन भासिएर आउजाउ रोकिएपछि गजुरी गाउँपालिकाको जरेखेल र आदमघाट क्षेत्रमा रोकिएको सवारीको लाइन। धुनिबेसी नगरपालिका–६ र थाक्रे गाउँपालिका–८ जोड्ने पुलमा सोमबार दिउसोेदेखि १८ घण्टा भन्दा बढी सवारी आवागमन ठप्प थियो। मंगलबार बिहान १० बजेसम्म सवारी एकतर्फी खुलाईए पनि साँझसम्म नै टाढा टाढादेखि थुप्रिएका सवारीको चापले पृथ्वी राजमार्ग अस्तव्यस्त नै रह्यो। तस्बिर: शंकर श्रेष्ठ / रासस
कर्णाली प्रदेशको राजधानी सुर्खेतको वीरेन्द्रनगर–६, नेताचोकमा सडकको स्तरोन्नति गरिँदै। वर्षायाम सुरु हुनु पूर्व नै सडक स्तरोन्नतिको काम सम्पन्न गर्ने लक्ष्यका साथ काम धमाधम भइरहेको छ। तस्बिर: सुरेश आचार्य/रासस
धनकुटाको सहिदभूमी गाउँपालिका वडा नं २ स्थित अखुवाटारका किसानले अरुण नदी किनारमा लगाएको बाँस। यहाँ कृषकले बाँस प्रतिघना रु ४० देखि रु ५० सम्ममा बिक्री गर्ने गर्छन्। यस क्षेत्रमा उत्पादित बाँस डुङ्गामार्फत सुनसरीको चतरामा निकालेर तराईका बजारहरुमा बेच्ने गरिन्छ। तस्बिर: नारायणकुमार राई/रासस
बागलुङको तमानखोला गाउँपालिका–३ स्थित तमान गाउँ। तस्बिर : डम्मर बुढा मगर/रासस
काठमाडौँको उत्तरपूर्वी भेगस्थित गोकर्णेश्वर नगरपालिका वडा नं १ रुप्सेटारमा विसं २०७४ देखि नै नगरपालिकाले बजेट विनियोजन गर्दै आएको नयाँपाटी उकालो (कारखाना) बाट वाग्मती नदी हुँदै भद्रवास निस्कने सडकको दूरावस्था। नगरपालिकाले उपभोक्ता समिति गठन गरेर सडकको काम दिने गरेपनि काम भने गुणस्तरीय हुन नसक्दा यात्रु एवं स्थानीयवासी वर्षामा हिलो र हिउँदमा धुलोले पीडित हुने गरेका छन्। तस्बिर : पूर्णप्रसाद मिश्र/रासस
भेरी नगरपालिका–२ रिसाङबाट उपचारका लागि स्टेचरमा बोकेर बिरामीलाई जाजरकोट अस्पताल ल्याइँदै। तस्बिर: हेमन्त केसी/रासस
काठमाडौँको उत्तरपूर्वी भेगस्थित गोकर्णेश्वर नगरपालिका वडा नं १ रुप्सेटारमा विसं २०७४ देखि नै नगरपालिकाले बजेट विनियोजन गर्दै आएको नयाँपाटी उकालो (कारखाना) बाट वाग्मती नदी हुँदै भद्रवास निस्कने सडकको दूरावस्था। नगरपालिकाले उपभोक्ता समिति गठन गरेर सडकको काम दिने गरेपनि काम भने गुणस्तरीय हुन नसक्दा यात्रु एवं स्थानीयवासी वर्षामा हिलो र हिउँदमा धुलोले पीडित हुने गरेका छन्। तस्बिर : पूर्णप्रसाद मिश्र/रासस
पासाङल्हामु मार्ग अन्तर्गत रसुवाको गोसाइँकुण्ड-६ ब्रावलभीरमा ढलान गरेर निर्माणाधीन सडक। तस्बिर: ज्ञानेन्द्र न्यौपाने/रासस
प्युठानको ऐरावती गाउँपालिका-६ बिजुलीमा खानेपानी भर्न लामबद्ध स्थानीय महिला। यो क्षेत्रमा खानेपानीको समस्या हुँदा एक गाग्री पानी लिन दुई घण्टासम्म हिड्नु पर्ने बाध्यता रहेको छ। तस्बिर: शशिधर भण्डारी/रासस
पृथ्वी राजमार्ग अन्तर्गत धादिङको धुनिवेशी नगरपालिका–६ र थाक्रे गाउँपालिका–८ को सिमाना जोड्ने गणेश खोला पुल। पुलको एकातर्फको जमिन भासिएपछि सोमबारदेखि यातायात सेवा अवरुद्ध रहेकोमा १८ घण्टापछि एकतर्फी रुपमा यातायात सञ्चालनमा आएको छ। तस्बिर: शंकर श्रेष्ठ/रासस
सशस्त्र प्रहरी बल नेपाल १५ नं. गण हेडक्वाटर पाँचखाल स्थापनाको २१औं वार्षिकोत्सवको अवसरमा मङ्गलबार काभ्रेपलाञ्चोकको बनेपा नगरपालिका वडा नं ५ स्थित चण्डेश्वरी मन्दिर प्राङ्गण सरसफाई गर्दै सशस्त्र प्रहरीलगायत। तस्बिर: पेमा लामा/रासस
मेलम्ची-११ खानेपानी कार्यालय नजिकै मङ्गलबार बिहान दुर्घटनामा परेको गिट्टी बोकेको टिपर। दुर्घटनामा मानविय क्षति नभएको प्रहरीले जनाएको छ। तस्बिर : देवराज सुवेदी/रासस
मनाङ ङिस्याङ गाउँपालिका-४ हुम्डेमा सडक बिस्तारका क्रममा गिट्टी कुट्दै गरेका गोरखाबाट आएका कामदारहरु। मनाङको चिसोमा गिट्टी कुट्न गाह्रो हुने उनिहरु बताउँछन्। तस्बिर: नवीन लामिछाने/रासस
ताप्लेजुङमा अवस्थित पाथीभरा मन्दिरमा पूजापाठपछि भरियाको सहयोगमा गन्तव्यतर्फ फर्कँदै एक भक्तजन। पाथीभरा धाम पुग्न पाँच किलोमिटर उकालो पैदलमार्ग हिँड्नुपर्छ। हिड्न नसक्ने भक्तजनलाई भरियाले रकम लिएर बोकेर आउजाउ गराउने गर्दछन्। तस्बिर: दिलकुमार लिम्बू/रासस
चराउनका लागि भरतपुरको बाइपासरोडस्थित आन्तरिक राजस्व कार्यालय अगाडिको सडक छेउबाट लैजाँदै गरेका भैँसी। व्यस्त सडकमा घरपालुवा जनावर हिँडाउँदा दुर्घटनाको जोखिम हुने गर्छ। तस्बिर: सनद अधिकारी/रासस
चराउनका लागि भरतपुरको बाइपासरोडस्थित आन्तरिक राजस्व कार्यालय अगाडिको सडक छेउबाट लैजाँदै गरेका भैँसी। व्यस्त सडकमा घरपालुवा जनावर हिँडाउँदा दुर्घटनाको जोखिम हुने गर्छ। तस्बिर: सनद अधिकारी/रासस
दार्चुलाको ब्याँस गाउँपालिका–१ मा मङ्गलबार दिउँसो हिमपहिरोमा परी यार्सागुम्बा खोज्न गएकाहरू बेपत्ता भएपछि उद्धारमा खटिएका सशस्त्र प्रहरी बल नेपाल (नम्बर ५० गुल्म छाङरु)को टोली। बेपत्ता ५ जना (चार महिला र एक पुरुष)को खोजी जारी छ। तस्बिर : सशस्त्र प्रहरी बल
दार्चुलाको ब्याँस गाउँपालिका–१ मा मङ्गलबार दिउँसो हिमपहिरोमा परी यार्सागुम्बा खोज्न गएकाहरू बेपत्ता भएपछि उद्धारमा खटिएका सशस्त्र प्रहरी बल नेपाल (नम्बर ५० गुल्म छाङरु)को टोली। बेपत्ता ५ जना (चार महिला र एक पुरुष)को खोजी जारी छ। तस्बिर : सशस्त्र प्रहरी बल
पूर्व-पश्चिम राजमार्ग अन्तर्गत नवलपरासी(बर्दघाट सुस्तापूर्व)काे कावासाेतीमा दुर्घटनामा परेकाे जिप। दुर्घटनामा परि दुई जना घाईते भएका छन्। तस्बिर:विष्णुप्रसाद गाैडेल / रासस
तारकेश्वर नगरपालिका वडा नं ९ स्थित मनमैजु सडक किनारामा थ्रेसर मेसिनको सहयोगमा गहुँ चुट्दै किसान। तस्बिर :हरिराम भेटुवाल/रासस
दोस्रो दिन पनि चिकित्सकहरूको आन्दोलन जारी, देशभर आकस्मिकबाहेक सबै सेवा ठप्प
३ वर्षमा सकिनुपर्ने रसुवागढी एकीकृत भन्सार भवन १० वर्षसम्म अधुरै (फोटोफिचर)
सानेपामा श्रावण मेला सुरु: मेहेन्दी, भजन कन्सर्ट र श्रृंगारका स्टलमा दर्शकको आकर्षण
आहा ! भाङ्गे झरना (फोटोफिचर)
देखिन छाडे नगर प्रहरी, सडक व्यापारीले भरियो न्युरोडको फुटपाथ [फोटो]
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
