भारतबाट ठूलो परिमाणमा चामल किन्दै बंगलादेश, पहिलो चरणको २७ हजार टन चटगाउँ पुग्यो
नेपाल क्लिक्स
एजेन्सी – हिन्दु धर्मावलम्बी र मन्दिरमा आक्रमण भइरहेका बेला बंगलादेशको अन्तरिम सरकारले भारतबाट चामल आयात गर्न थालेको छ। बंगलादेशले भारतसँग दुई लाख टन चामल खरिद गर्ने सम्झौता गरेको हो।
बंगलादेशको खाद्य विभागका एक अधिकारीका अनुसार शुक्रबार पहिलो खेप २७ हजार टन चामल बंगलादेशको चटगाउँ बन्दरगाह पुगेको छ।
आफ्नो देशमा चामलको अभाव नभए पनि भर्खरै आएको भीषण बाढीका कारण भविष्यको संकटबाट बच्न सरकारले चामल आयात गर्ने निर्णय गरेको ती अधिकारीले बताएका छन्।
दुई लाख मेट्रिक टन चामलबाहेक अन्तरिम सरकारले टेन्डरमार्फत भारतबाट थप एक लाख टन चामल पनि ल्याउने भएको छ। साथै बोलपत्रबाहेक भारतबाट थप चामल ल्याउने पनि सरकारी तहमा योजना रहेको ती अधिकारीले जानकारी दिएका भारतीय अनलाइन अमर उजालालले लेखेको छ।
बंगलादेशले चामलको मूल्य स्थिर राख्न आयातमा लाग्ने सबै शुल्क हटाएको छ। बंगलादेशले निजी रूपमा भारतबाट शून्य आयात शुल्कमा ठूलो परिमाणमा चामल आयात गर्ने गर्छ।
निजी आयातकर्ताहरूले अहिलेसम्म भारतबाट १६ लाख टन चामल आयात गर्न बंगलादेश सरकारबाट अनुमति लिएको ती अधिकारीले बताए। उनका अनुसार बंगलादेशले म्यानमार सरकारसँग एक लाख टन चामल आयात गर्ने सम्झौता पनि गरेको छ।
चामल आयातमा भियतनाम र पाकिस्तानसँग पनि वार्ता भइरहेको उनले जानकारी दिए।
विद्यार्थी आन्दोलनका कारण ५ अगस्तमा बंगलादेशमा शेख हसिनाको सरकार पतन भएपछि देशमा आर्थिक समस्या देखिन थालेको छ।
स्पेनमा रेल दुर्घटनाः ६८ जनाको मृत्यु, तीन दिन राष्ट्रिय शोक घोषणा
चालु आर्थिक वर्षभित्रै एनआरएनए नागरिकता सम्बन्धि कानुनी बाधा हट्छ: मन्त्री खनाल
मूल्य वृद्धिले इटालीमा इन्धन संकट, आपूर्ति शृंखला प्रभावित
फ्रान्समा फेरि प्रदर्शनको तयारी, देशभर ७० हजार प्रहरी खटाइँदै
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
