लिस्ट ए क्रिकेटमा आउट नभई सबैभन्दा धेरै रन बनाउने विश्व कीर्तिमानी खेलाडी

एजेन्सी – विजय हजारे ट्रफीमा विदर्भका कप्तान करुण नायर लिस्ट ए क्रिकेटमा आउट नभई सबैभन्दा धेरै रन बनाउने ब्याट्सम्यान बनेका छन्।

उनी लिस्ट ए मा आउट नभई ५३० वा सोभन्दा बढी रन बनाउने विश्वकै पहिलो ब्याट्सम्यान बनेका हुन्।

नायरले शुक्रबार भिजियानगरमको भिज्जी स्टेडियममा उत्तर प्रदेशविरुद्ध लगातार तेस्रो शतक बनाए। पछिल्लो ५ खेलमा उनको यो चौथो शतक हो। उनी पछिल्ला चार इनिङ्समा नटआउट भएका थिए।

पहिलो खेलमा जम्मु कश्मीरविरुद्ध शतक प्रहार

३३ वर्षीय करुण नायरले २३ डिसेम्बर २०२४ मा जम्मू कश्मीरविरुद्धको खेलबाट यो कीर्तिमान बनाउन सुरु गरेका थिए। भिजियानगरमको भिज्जी स्टेडियममा भएको उक्त खेलमा उनले २२२ रनको लक्ष्य पछ्याउँदै जम्मू कश्मीरविरुद्ध ११२ रनको अपराजित इनिङ खेलेका थिए।

२६ डिसेम्बरमा छत्तीसगढविरुद्ध अविजित ४४ रन बनाए। यसपछि, उनले डिसेम्बर २८ मा चण्डीगढविरुद्ध १६३ रनको अपराजित इनिङ खेले र ३१ डिसेम्बरमा तमिलनाडु विरुद्ध १११ रनको अपराजित इनिङ खेले।

तर, करुण नायरले उत्तर प्रदेशविरुद्ध आफ्नो अपराजित यात्रा भने जारी राख्न सकेनन्। उनी १०१ बलमा ११ चौका र २ छक्का प्रहार गर्दै ११२ रन बनाएर आउट भएका थिए।

न्यूजिल्याण्डका जेम्स फ्र्याङ्कलिनको कीर्तिमान तोडियो

उत्तर प्रदेशविरुद्ध ७० रन बनाएका उनले सन् २०१० मा न्यूजिल्याण्डका पूर्वअलराउन्डर जेम्स फ्र्याङ्कलिन (५२७) ले बनाएको लिस्ट ए कीर्तिमानलाई पनि पछि पारे। नायरले आफ्नो सातौं लिस्ट ए शतक बनाएका।

३०८ रनको लक्ष्य पछ्याउने क्रममा नायरले सय बलमा शतक पूरा गरे। उनी बाहेक अर्का ओपनर यश राठौरले पनि शतक बनाए। उनी बाहेक कर्नाटकका मयंक अग्रवाल र पञ्जाबका प्रभसिमरन सिंहले यो सिजनमा ३–३ शतक बनाएका छन्।

आईपीएलमा दिल्ली क्यापिटल्ससँग खेल्नेछ

करुण नायरले २०२३ मा विदर्भमा आबद्ध हुनुअघि ११ वर्ष कर्नाटकबाट खेलेका थिए। विजय हजारे ट्रफीको कप्तान बनेपछि गत नोभेम्बरमा भएको आइपिएल २०२५ मेगा लिलामीमा नायर पनि आइपिएलका लागि छनोट भएका थिए। अब भने उनले २ वर्षपछि आईपीएल खेल्नेछन्।