मोदीलाई केजरीवालको कडा जवाफः २७ सय करोडको घरमा बस्नेले शीशमहलको कुरा गर्छन्

एजेन्सी – दिल्लीका पूर्वमुख्यमन्त्री अरविन्द केजरीवालले प्रधानमन्त्री मोदीको आरोपको कडा आलोचना गरेका छन्।

प्रधानमन्त्री मोदीले ४३ मिनेट भाषण दिएर पनि आफ्नो कामको गणना गर्न नसकेको उनले आरोप लगाए। केजरीवालले भने, ‘यदि उनले काम गरेका भए उनी गाली गरेर जाने थिएनन्।’

आज (शुक्रबार) भारतीय प्रधानमन्त्री मोदीले दिल्लीका जनतालाई केही सौगात दिएका थिए। उनी आम आद्मी पार्टीको सरकारमाथि कडा रूपमा प्रस्तुत भएका थिए।

मोदीको भाषणको जवाफ दिँदै केजरीवालले भने, ‘प्रधानमन्त्री मोदीले ४३ मिनेटको भाषण दिए, जसमा उनले करिब ३९ मिनेट दिल्लीका जनता र उनीहरूको निर्वाचित सरकारलाई गाली गरे। २०१५ मा दिल्लीका जनताले दिल्लीका लागि दुई सरकारहरू चुने, अहिले १० वर्ष भइसक्यो। यी १० वर्षमा दिल्लीमा आम आदमी पार्टी सरकारले के काम गरेको छ भनी सोध्यो भने सायद २-३ घण्टा पनि पुग्दैन होला।’

‘२७ सय करोडको घरमा बस्नेहरू शीशमहलको कुरा गर्छन्’

केजरीवालले शीशमहललाई लिएर प्रधानमन्त्री मोदीको भनाइमाथि आलोचना गर्दै भने, ‘जो २७ सय करोडको घरमा बस्छ, जो ८ हजार ४ सय करोडको हवाईजहाजमा घुम्छ, जसले १० लाखको सुट लगाएको छ उसले शीशमहलको कुरा गरेको राम्रो होइन।’

आज दिउँसो मोदीले अरविन्द केजरीवालमाथि हमला गर्दै भनेका थिए, ‘चाहेको भए म पनि शीशमहल बनाउन सक्थेँ।