बार्सिलोनालाई गेटाफेले रोक्यो, शीर्ष स्थानको एट्लेटिको पराजित

काठमाडौँ – गएराति बार्सिलोनाले बराबरी खेल्दा शीर्ष स्थानको एट्लेटिको मड्रिड भने पराजित भएको छ।

लालिगाअन्तर्गत गेटाफेको मैदान कोलिसियुममा बार्सिलोनाले १-१ को बराबरी खेल्दै मात्र एक अंक जोड्न सफल भयो। जुलेस कोन्डेले ९ औं मिनेटमा गोल गर्दै बार्सिलोनालाई अग्रता दिलाए पनि माउरो आरम्बारीले पहिलो हाफमै (३४ औं मिनेट) बराबरी गोल फर्काएका थिए।

दोस्रो हाफमा थप गोल हुन नसकेपछि बार्सिलोनाले तीन अंक जोड्न सकेन। लिगमा पछिल्ला पाँच खेलमा बार्सिलोनाले मात्र एक खेलमा जित निकालेको छ।

अर्को खेलमा लेगानेसले भने अनपेक्षित नतिजा निकाल्दै शीर्ष स्थानको एट्लेटिको मड्रिडलाई हराएको छ। गएराति नै भएको खेलमा एक गोलले पछि परेको एट्लेटिकोले बराबरी गोलसमेत फर्काउन सकेन।

पहिलो हाफ बराबरी खेले पनि दोस्रो हाफको ४९ औं मिनेटमा लेगानेसले गोल गरेको थियो। खेलको ८८ औं मिनेटमा एन्टिनियो ग्रिजम्यानको पेनाल्टी बाहिरिँदा एट्लेटिको बराबरी गोल गर्नबाट चुकेको थियो। २० खेल खेलेको एट्लेटिको हारपछि पनि शीर्ष स्थानमै छ। एट्लेटिको भन्दा एक खेल कम खेलेको रियल मड्रिड ४३ अंकसहित दोस्रो स्थानमा छ।

बार्सिलोना भने ३९ अंक बनाएर तेस्रो स्थानमा यथावत् छ।