च्याम्पियन्स लिगः लिभरपुलको पहिलो हार, एटलान्टासँग रोकियो बार्सिलोना

काठमाडौँ – गएराति भएको च्याम्पियन्स लिगअन्तर्गत खेलमा शीर्ष स्थानको लिभरपुलले हार बेहोरेको छ। डच टोली पीएसभीसँग लिभरपुल ३२ गोलअन्तरले स्तब्ध भएको हो। ८७ औं मिनेटमा रातो कार्ड खाएपछि १० खेलाडीमा सीमित लिभरपुलमाथि घरेलु मैदानमा जित निकाल्दै पीएसभी लिग तालिकाको १४ औं स्थानमा पनि उक्लिन सफल भएको छ। जारी सिजनमा लिभरपुलको भने यो पहिलो हार हो।

त्यस्तै गएराति नै स्पेनी क्लब रियल मड्रिडले सानदार जित निकाल्दा बार्सिलोना भने बराबरीमा रोकिएको छ। रियलले ब्रेस्टमाथि उसकै मैदानमा ३० को सहज जित निकालेको हो । रियलको जितमा रोड्रिगोले २ तथा जुड बेलिङ्घमले १ गोल गरे।

बार्सिलोना भने इटालियन क्लबसँग एटलान्टासँग २२ को बराबरीमा रोकिएको छ। युवा स्टार लमिन यमल र रोनाल्ड अराउखोले गोल गरे पनि बार्सिलोनलाले जित निकाल्न सकेन। बार्सिलोनाको जारी लिगमा यो पहिलो बराबरी हो।

त्यस्तै अर्को स्पेनी क्लब एट्लेटिको मड्रिडले भने आरबी साल्जबर्गमाथि ४१ को फराकिलो जित दर्ता गरेको छ। गएराति नै भएको अर्को खेलमा इंग्लिस क्लब आर्सनलले स्पेनी क्लब गिरोनालाई २१ गोल अन्तरले हरायो भने म्यानचेस्टर सिटीले क्लब बर्गमाथि ३१ जित निकाल्यो।

त्यस्तै बार्यन म्युनिखले स्लोभन ब्राटिस्लाभामाथि ३१ को जित निकाल्दा बोरुसिया डर्टमन्डले साख्तर डोनेस्टेकलाई समान ३१ गोलअन्तरले नै हरायो।

यस्तै इटालियन क्लब इन्टर मिलानले मोनाकोमाथि ३० को सहज जित दर्ता गर्दा एस्ट भिल्लाले सेल्टिकलाई ४२ गोलअन्तरले पाखा लगायो। त्यस्तै बेन्फिकाले युभेन्टसलाई २० गोलअन्तरले पन्छायो।

गएराति नै फ्रान्सेली क्लब पीएसजीले भीएफबी स्टुटगार्टमाथि ४१ को फराकिलो जित निकाल्यो।

योसँगै लिगका आठौँ चरणका खेलहरू सकिएका छन्। हारे पनि लिभरपुल शीर्ष स्थानमै यथावत् रहँदा बार्सिलोना दोस्रो स्थानमै छ। आर्सनल तेस्रो स्थानमा हुँदा इन्टर मिलान चौथो नम्बरमा छ। रियल मड्रिड भने ११ औं स्थानमा उक्लिन सफल भएको छ।