रामजीको ‘रित्तो गाउँ’ले जित्यो कल्चरल फिल्म फेस्टिभल अवार्ड
नेपाल क्लिक्स
काठमाडौँ- रामजी ज्ञवालीको निर्देशनमा तयार भएको डकुमेन्ट्री सर्ट फिल्म ‘रित्तो गाउँ’ले उत्कृष्ट सर्ट फिल्मको अवार्ड जितेको छ।
छैटौँ कल्चरल इन्टरनेसनल फिल्म फेस्टिभलमा ‘रित्तो गाउँ’लाइ उत्कृष्ट राष्ट्रिय सर्ट फिल्मको अवार्ड प्रदान गरिएको हो।
सञ्चार तथा सूचना प्रविधिमन्त्री पृथ्वी सुब्बा गुरुङले ‘रित्तो गाउँ’का निर्माता आनन्द शर्मा वाग्लेलाई अवार्ड प्रदान गरी सम्मान गरेका थिए। शनिबार चलचित्र विकास बोर्डमा अवार्ड वितरण कार्यक्रम सम्पन्न भएको हो।
फिल्म फेस्टिभलमा ४७ देशका फिल्म, सर्ट फिल्म, डकुमेन्ट्री र चलचित्रहरू देखाइएको थियो। नेपालबाट छानिएका १० वटा सर्ट फिल्ममध्ये ‘रित्तो गाउँ’ उत्कृष्ट ठहरिएको भन्दै आयोजकले आफूहरूलाई अवार्ड प्रदान गरेको निर्देशक रामजी ज्ञवालीले जानकारी दिए।
‘यो खुसी यहाँहरूसँग बाँड्न पाउँदा म अत्यन्तै गौरवान्वित छु। अवार्डले थप जिम्मेवार भएर काम गर्ने हाम्रो सम्पूर्ण टिमलाई प्रेरित गरेको छ,’ निर्देशक ज्ञवालीले भने।
‘रित्तो गाउँ’मा युवा पलायनका कारण ग्रामीण क्षेत्रमा निर्मित समस्याहरूको कथा छ। गत वर्ष निर्माण भएको ‘रित्तो गाउँ’ले विभिन्न कार्यक्रमहरूमा विशेष शो भइरहेको छ।
त्रिविका प्राध्यापक उद्धव सिग्देलको नेतृत्वमा भएको अनुसन्धानमा आधारित ‘रित्तो गाउँ’मा वाग्ले, कुनाल कायल, प्रेम भुर्तेल र नारायण कँडेल निर्माता हुन्।
आन्दोलनरत चिकित्सक र सरकारबीच ५ बुँदे सहमति
सुनसरीमा भएको घटनाका सम्बन्धमा छानबिन गर्न गठित समितिमा दुई सदस्य थप
५ बुँदे मागसहित लघुवित्त पीडितहरू दुई दिनदेखि आमरण अनसनमा
९ वटा विधेयक संसद्मा पेस गर्न स्वीकृति दिने मन्त्रिपरिषद्को निर्णय, कुन–कुन?
बैंकिङ कसुर मुद्दामा प्रभु बैंककी प्रमुख व्यवसाय अधिकृत रश्मी पन्त पक्राउ
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
