विश्वकपको ग्लोबल छनोटमा परेपछिको खुसी [तस्बिरहरू]

काठमाडौँ- नेपालले पहिलो पटक आईसीसी महिला टी-२० विश्वकपको ग्लोबल छनोटमा परेको छ।

सोमबार सुपर-३ अन्तर्गत यूएईमाथि ५ विकेटको जित निकाल्दै नेपालले एसिया छनोट पार गरेर ऐतिहासिक सफलता हासिल गरेको हो।

यूएईले दिएको ११५ रनको लक्ष्य नेपालले १९ ओभर ३ बलमा ५ विकेटको क्षतिमा पूरा गरेपछि ग्लोबल छनोटमा परेको हो।

नेपालका लागि कप्तान इन्दु बर्माले अविजित ३४ रनको महत्वपूर्ण पारी खेलिन्।

त्यसअघि यूएईले २० ओभरमा ७ विकेट गुमाएर ११४ रन बनाएको थियो।

यूएईका लागि कप्तान इशा ओजाले सर्वाधिक ३९ रन बनाइन् भने तीर्था सतिशले २१ र हीना होचन्दानीले २० रनको योगदान दिइन्।

नेपालका लागि मनिषा उपाध्यायले उत्कृष्ट प्रदर्शन गर्दै ४ ओभरमा २० रन खर्चिएर ४ विकेट लिइन्। त्यस्तै कविता कुँवरले २ तथा राजमती ऐरीले १ विकेट लिइन्।

अब नेपालले मंगलबार थाइल्याण्डसँग अन्तिम खेल खेल्नेछ। त्यस खेलको नतिजा जस्तो भए पनि नेपालको ग्लोबल छनोट यात्रा सुनिश्चित भइसकेको छ।