मेटलाइफ नेपालले सुरु गर्यो अनलाइन दाबी ट्र्याकिङ सेवा
नेपाल क्लिक्स
काठमाडौँ: मेटलाइफ नेपालले बीमित ग्राहकलाई आफ्नो दाबी प्रक्रियाको अवस्था अनलाइनबाटै हेर्न मिल्ने सेवा सुरु गरेको छ। नयाँ प्रणालीमार्फत ग्राहकले ग्राहक सेवा केन्द्रमा फोन नगरी वा कम्पनीको शाखा कार्यालय नपुगी दाबीको प्रगति र आवश्यक कागजातबारे जानकारी लिन सक्नेछन्।
कम्पनीले नेपाल बीमा प्राधिकरणको निर्देशनअनुसार दाबी प्रक्रियालाई थप पारदर्शी र सहज बनाउने उद्देश्यले यो सेवा सञ्चालनमा ल्याएको जनाएको छ। यसबाट ग्राहकले जुनसुकै समय र स्थानबाट मेटलाइफ नेपालको वेबसाइटमा गई आफ्नो दाबीको अवस्था जाँच गर्न सक्नेछन्।
नयाँ प्रणालीमा दाबी कुन चरणमा छ, त्यसको समीक्षा कहाँसम्म पुगेको छ र प्रक्रिया अघि बढाउन थप विवरण वा कागजात आवश्यक छ कि छैन भन्ने जानकारी उपलब्ध हुनेछ।
मेटलाइफ नेपालका महाप्रबन्धक निर्मल काजी श्रेष्ठले दाबी भुक्तानी बीमा कम्पनीले ग्राहकसँग गरेको प्रतिबद्धता पूरा गर्ने महत्वपूर्ण पक्ष भएको बताए। दाबी दर्ता गरेपछि ग्राहकमा देखिन सक्ने अनिश्चितता कम गर्न र प्रक्रियामा पारदर्शिता बढाउन नयाँ सेवाले सहयोग गर्ने उनको भनाइ छ।
कम्पनीका अनुसार यो सेवा ग्राहकलाई प्राथमिकतामा राख्दै डिजिटल माध्यमबाट बीमा सेवालाई सरल, पारदर्शी र सहज बनाउने प्रयासको हिस्सा हो।
ग्राहकले मेटलाइफ नेपालको दाबी ट्र्याकिङ पोर्टलमार्फत आफ्नो दाबीको प्रगति हेर्न सक्नेछन्।
पोखरामा ‘पल्सर आरपीएम’ हुँदै, स्टन्ट र स्ट्रीट कल्चरको रोमाञ्चक अनुभव लिन पाइने
कृषि विकास बैंकको स्मार्ट प्लस एपबाट डिसहोमका सेवा नवीकरण गर्न सकिने
दराज ११.११ नोभेम्बर १ देखि, ८० प्रतिशतसम्म छुट र थाइल्यान्ड भ्रमण जित्ने अवसर
नियोफिन हायर पर्चेज एनपीएलको अफिसियल प्लाटिनम क्याप स्पोन्सर
दशैँपछि खुलेको बजारमा सुन तोलामै ११ हजार ७०० रुपैयाँ सस्तियो
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
मुद्रास्फीतिको दबाबले सर्वसाधारणको जीवनमा कस्तो असर पर्छ?
