नेपालीको मन जित्दै जिली इएक्स फाइभ

काठमाडौं। हालसालै नेपाली बजारमा प्रवेश गरेको विश्वविख्यात ईभी ब्राण्ड जिली इएक्स फाइभले उपभोक्ताहरुको मन जित्न सफल भएको छ। नेपालमा सार्वजनिक भएको दुई महिनामै जिली इएक्स फाइभ म्यक्स र इएक्स फाइभ प्रोका गैरीधारास्थित शोरूममा ग्राहक तथा उपभोक्ताहरुको भिड लागिरहेको कम्पनीले जनाएको छ।

गाडीको टेस्ट ड्राइभ, बुकिङ र खरिदमा उल्लेखनीय वृद्धि भएको छ। जसले नेपाली उपभोक्ताहरुको विश्वप्रसिद्ध अटोमोबाइल ब्रान्ड जिली अटोमोबाइल ग्रुपप्रतिको विश्वासलाई झल्काएको छ।

काठमाडौंलगायत पोखरा र विराटनगरसम्मका ग्राहकहरू गैरीधारा, शोरूममा आएर जिली ईएक्स फाइभलाई प्रत्यक्ष अवलोकन गर्दा यो मोडलका स्मार्ट, आकर्षक र वातावरणमैत्री एसयुभी देखिएको छ।

“हामीले सोचेभन्दा निकै राम्रो प्रतिक्रिया पाएका छौं,” एलआरआर मोटर्सका बिक्री प्रमुख अधिर श्रेष्ठले भने “शोरूम बाहिर लाइन लागेका दृश्यहरू, रेकर्ड संख्यामा टेस्ट ड्राइभ दर्ता यी सबैले देखाउँछ कि नेपालीहरू जिलीको ‘स्मार्ट र दिगो मोबिलिटी’ को दृष्टिकोणसँग गहिरो रूपमा जोडिएका छन्।”

उनका अनुसार, टेस्ट ड्राइभमा सहभागी ग्राहकहरूले ईएक्स फाइभको स्मूथ परफर्मेन्स र भविष्यकेन्द्रित डिजाइनको प्रशंसा गर्दै यसलाई ‘नेपालले कुरिरहेको ईभीको संज्ञा दिएका छन्।

एलआरआर मोटर्सले हाल फोन र सामाजिक सञ्जालमार्फत परिवार, युवा, व्यवसायी, पेशाकर्मी र ईभी पारखीहरूबाट अत्यधिक सोधपुछ र रुचि प्राप्त गरेको छ। धेरै ग्राहकहरूले इएक्स फाइभको रेञ्ज, विश्वसनीयता र आधुनिक सुविधाप्रति विश्वास व्यक्त गर्दै यसलाई २०२५ को सबैभन्दा चर्चित विद्युतीय एसयुभी मध्ये एकको उपमा दिएका छन्।

“जिली एक्स फाइभ प्रगतिशील सोच र आत्मविश्वासको प्रतीक हो,” एलआरआर मोटर्सका निर्देशक जीवनजंग शाहीले भने “हामीले पाएको जिली प्रतिको उत्साह उपभोक्ताहरुले उनीहरू जिली ग्रुपको गौरवपूर्ण इतिहाससँगै परिवर्तनको नेतृत्व गर्न उत्साहित रहेको देखाएको छ।”

उच्च मागका कारण, एलआरआर मोटर्सले शोरूम समय विस्तार र थप टेस्ट ड्राइभको समय बढाएको घोषणा गरेको छ। हाल गैरिधारास्थित शोरूम बिहान ९ बजे देखि साँझ ८ बजेसम्म सञ्चालनमा छ। साथै शनिवार र सार्वजनिक बिदामा पनि खुला रहेको बताइएको छ।

यो उत्साहलाई थप उचाइमा पुर्याउन, एलआरआर मोटर्सले आफ्ना ग्राहकहरूका लागि विशेष फेस्टिभ अफरहरू घोषणा गरेको छ। अफर अन्तर्गत नयाँ खरिदकर्ताहरूले आकर्षक नगद छुट, एक वर्षको निःशुल्क बिमा, सजिलो फाइनान्स सुविधा, उत्कृष्ट एक्सचेन्ज मूल्यांकन, थप बोनस र उपहार प्याक लगायतका लाभ प्राप्त गर्न सक्ने कम्पनीले जनाएको छ।