अलैँचीको मूल्यमा उछाल आउँदा किसानलाई फाइदा, ४० किलोको पुग्यो दुई लाख दुई हजार

ताप्लेजुङ। पूर्वी पहाडी भेगको प्रमुख नगदेबाली अलैँचीको मूल्यमा पछिल्लो समय वृद्धि भएको छ। ताप्लेजुङमा अलैँचीको मूल्य प्रतिमन (४० किलो) एक लाख रुपैयाँ नाघेको छ।

गुणस्तरीय अलैँची प्रतिमन एक लाख दुई हजार रुपैयाँमा कारोबार भएको अलैँची व्यवसायी संघका जिल्ला अध्यक्ष भद्रवीर रेग्मीले जानकारी दिए।

शनिबार प्रतिमन ९६ हजार रुपैयाँ रहेको अलैँचीको मूल्य अपराह्नपछि प्रतिमन दुई हजारले बढेर ९८ हजार रुपैयाँ पुगेको थियो। आइतबार फेरि प्रतिमन चार हजारका दरले वृद्धि भई एक लाख दुई हजाररुपैयाँ् पुगेको उनले जानकारी दिए।

असोज दोस्रो सातासम्म प्रतिमन ८५ हजारमा रुपैयाँमा स्थिर रहेको अलैँचीको मूल्य एक महिनाको अवधिमा मनमा १७ हजार रुपैयाँ वृद्धि भएको छ।

नयाँ उत्पादन सुरु भएपछि ८० हजार प्रतिमनबाट कारोबार सुरु भएको अलैँचीको मूल्यमा यस वर्ष अपेक्षाकृत वृद्धि भएको व्यवसायीहरू बताउँछन्। नेपालमा उत्पादित अलैँची भारतीय बजार हुँदै तेस्रो मुलुक निर्यात हुने गर्दछ।