उड्डयन व्यवसायले गति लिँदै, पाँच अर्बले गरे हवाइ यात्रा, ४० अर्ब डलर नाफा

जेनेभा,एएफपी। विश्वभरका विमान कम्पनीहरूले विभिन्न आर्थिक तथा राजनीतिक चुनौतीका बाबजुद सन् २०२५ मा करिब पाँच अर्ब २० करोड यात्रुलाई सेवा दिएको अनुमान गरिएको छ। यो संख्षाले वायुसेवा व्यवसायमा नयाँ कीर्तिमान स्थापित गर्नेछ।

अन्तर्राष्ट्रिय हवाई यातायात संगठनले सन् २०२५ मा विमान कम्पनीहरूले ३९ अर्ब ५० करोड डलर बराबरको नाफा गर्ने प्रक्षेपण गरेको छ। आगामी सन् २०२६ मा पनि ४१ अर्ब डलर बराबरको नाफा रहने अपेक्षा राखिएको छ।

उपकरण आपूर्ति शृङ्खलामा देखिएका अवरोध, विश्वव्यापी राजनीतिक तनाव, सुस्त हुँदै गएको व्यापार र राष्ट्रहरूले थपेका कडा नियमजस्ता चुनौतीका बीच पनि राम्रो सुधार देखिएको ुसंगठनका महासचिव विलि वाल्शले जानकारी ्िदए। उनले विशेषतः हवाई मालसामान ढुवानीको सुधरिएको अवस्थाले विमान सेवाको समग्र आर्जनमा ठुलो योगदान पुर्याएको उल्लेख गरे। साथै, क्षेत्रगत आम्दानी फरक–फरक रहेको बताइएको छ।

यस वर्ष यात्रु सङ्ख्या पनि उच्च रहने अपेक्षा गरिएको छ, जुन सन् २०२५ मा करिब चार अर्ब ९८ करोड पुग्नेछ। यो २०२४ को चार अर्ब ७७ करोड यात्रुको अघिल्लो कीर्तिमानभन्दा धेरै हो।