अनलाइन अङ्ग्रेजी प्रशिक्षणमा ‘कभेक्स ग्लोबल’को बढ्दो प्रभाव

काठमाडौँः डिजिटल माध्यमबाट गुणस्तरीय शिक्षा प्रदान गर्ने लक्ष्यसहित अघि बढिरहेको ‘कभेक्स ग्लोबल’ अङ्ग्रेजी भाषा प्रशिक्षण क्षेत्रमा प्रभावशाली रूपमा स्थापित हुँदै गएको छ। विश्वभर डिजिटल शिक्षाको माग बढिरहेका बेला यस संस्थाले व्यवहारिक अभ्यास र अन्तरक्रियात्मक सिकाइ पद्धतिमार्फत आफूलाई फरक रूपमा प्रस्तुत गरेको हो।

संस्थाले विशेषगरी अङ्ग्रेजी बोलचालमा आत्मविश्वास बढाउने उद्देश्यले संवाद, प्रस्तुति, समूह छलफल र अभ्यासमुखी कक्षामा जोड दिएको छ। संस्थापक तथा सीईओ क्याडस् चौधरीका अनुसार यहाँ विद्यार्थीलाई केवल भाषा सिकाउने मात्र नभई वास्तविक जीवनमा प्रयोग गर्न सक्ने क्षमता विकास गरिन्छ।

भौतिक र अनलाइन दुवै माध्यमबाट कक्षा सञ्चालन हुने भएकाले देश–विदेशबाट सहभागी हुन सकिन्छ। कभेक्स ग्लोबलले व्यक्तित्व विकास, प्रस्तुति सीप र अन्तर्वार्ता तयारीजस्ता अतिरिक्त तालिम पनि प्रदान गर्दै आएको छ।

बढ्दो प्रतिस्पर्धात्मक वातावरणमा प्रभावकारी कम्युनिकेशन सीप अत्यावश्यक बन्दै गइरहेका बेला यस संस्थाले विद्यार्थी र पेशाकर्मीलाई लक्षित गर्दै व्यवहारिक र विश्वसनीय प्रशिक्षण प्रदान गरिरहेको जनाएको छ।