साफ च्याम्पियन्सिप आजबाटः नेपालले कुवेतको सामना गर्दै

काठमाडौं – भारतमा आजबाट १४ औं संस्करणको पुरुष साफ च्याम्पियन्सिप फुटबल सुरु हुँदैछ। भारतको बैंगलोरस्थिगत श्री कांतिराव रंगशालामा आज बुधबारबाट ८ राष्ट्रको सहभागि च्याम्पियन्सिप सुरु हुन लागेको हो।

प्रतियोगिताको उद्घाटन खेलमा नै नेपालले सबैभन्दा बलियो प्रतिद्वन्दी कुवेतको सामना गर्नेछ। आयोजक देश भारतसहित नेपाल, बंगलादेश, कुवेत, लेबनान, भुटान, पाकिस्तान, माल्दिभ्सले सहभागिता जनाएको च्याम्पियनसिपमा दुई दक्षिण एसिया बाहेकका देश पनि सहभागी रहेका छन्। नेपाल रहेको समूह ए मा चाहिँ कुवेतसँगै भारत र पाकिस्तान पनि रहेका छन्।

साफमा दक्षिण एसिया बाहेकका देश खेलेको यो नै पहिलो पटक हो। तसर्थ यो संस्करणमा कुवेत र लेबनानले आमन्त्रित टोलीको रुपमा खेल्ने छन्।

नेपाल यो संसरणमा साविक उपविजेता हो। उसले तीन वर्षअघि भएको साफको फाइनलमा भारतसँग हार बेहोरेको थियो। साविक उपविजेताको हैसियतमा आज नेपाल कुवतेविरुद्ध पौने ५ बजे मैदान उत्रने छ। तर कुवेतविरुद्ध नेपालको इतिहास सम्झनलायक भने छैन्।

किनभने यि टोलीबीच अहिलेसम्म ९ खेल हुँदा आठपटक नेपालले हारको सामना गरेको छ। एक खेलमा भने नेपाले कुवेतलाई बराबरीमा रोक्न सफल भएको थियो। तर विगतको तुलनामा अहिले नेपाली राष्ट्रिय क्रिकेट टिम भने कमजोर रहेको छ। यद्यपी नेपाल प्रतियोगितामा सुखद सुरुआत गर्न चहान्छ।

च्याम्पियनसिपमा नेपालले दोस्रो खेल असार ९ गते आयोजक भारतसँग र समूह चरणको अन्तिम खेलमा असार १२ गते पाकिस्तानविरुद्ध खेल्नेछ।

च्याम्पियन्सिपको पहिलो दिन आज भारत र पाकिस्तानबीच समेत प्रतिस्पर्धा हुनेछ।