एनसेल ग्राहकलाई ट्रान्क्विलिटी स्पामा विशेष छुट

काठमाडौँ: एनसेलका ग्राहकले ट्रान्क्विलिटी स्पामा स्पा तथा सौन्दर्य सेवामा विशेष छुट तथा ‘बाइ वान गेट वान’ सुविधा पाउने भएका छन्। एनसेल र ट्रान्क्विलिटी स्पाबीच भएको साझेदारीअन्तर्गत ग्राहकलाई यस्तो सुविधा उपलब्ध गराइएको हो।

रु. ४९९ वा सोभन्दा बढी मूल्यको प्रिपेड प्याक वा पोस्टपेड प्लान खरिद गर्ने ग्राहकले सिग्नेचर मसाज, बडी स्क्रब, शिरोधारा र प्रिमियम केयर फेसियलमा ‘बाइ वान गेट वान’ सुविधा पाउनेछन्। त्यस्तै, एक्लै सेवा लिने नेपाली ग्राहकले स्पा सेवामा २५ प्रतिशत र ब्युटी सेवामा २० प्रतिशत छुट पाउनेछन्।

रु. ९९ देखि रु. ४९९ भन्दा कम मूल्यका प्याक वा प्लान उपभोग गर्ने ग्राहकले पनि छुटको सुविधा पाउनेछन्। युवा तथा अन्य ग्राहकले स्पा सेवामा २० प्रतिशत र पर्यटकले १० प्रतिशत छुट पाउने व्यवस्था गरिएको छ।

साझेदारी सम्झौता एनसेलका प्रोडक्ट्स डाइरेक्टर ललित शारडा र ट्रान्क्विलिटी स्पाका चिफ अपरेटिङ अफिसर रनिल फैजुले हालै एक कार्यक्रमबीच आदानप्रदान गरेका थिए।

छुट तथा अन्य सुविधा लिन ग्राहकले एनसेल एपमा रहेको ‘पार्टनर्ड सर्भिसहरू’ मा गएर ट्रान्क्विलिटी स्पा छनोट गरी आधिकारिक आउटलेटमा रिडिम गर्नुपर्नेछ। ग्राहकले खरिद गरेको प्याक वा प्लानका आधारमा एपमा उपलब्ध लाभ देखिनेछ। योग्य नभएका ग्राहकले योग्य प्याक वा योजना खरिद गरेर सुविधा लिन सक्नेछन्।

एनसेलका चिफ कन्ज्युमर बिजनेस अफिसर उपाङ्ग दत्ताले ग्राहकका लागि कनेक्टिभिटीबाहेक अन्य क्षेत्रमा पनि अर्थपूर्ण मूल्य सिर्जना गर्ने उद्देश्यले साझेदारी गरिएको बताए। वेलनेस अनुभवलाई एनसेलको इकोसिस्टमसँग जोडेर ग्राहकका लागि थप सान्दर्भिक र पहुँचयोग्य लाभ उपलब्ध गराउने लक्ष्य रहेको उनको भनाइ छ।