शनिबार काठमाडौंका यी–यी क्षेत्रमा बिजुली आपूर्ति अवरुद्ध हुने

काठमाडौं– नेपाल विद्युत् प्राधिकरणले काठमाडौंका विभिन्न ठाउँमा बिद्युत् आपूर्ति बन्द गर्ने भएको छ । काठमाडौंको स्युचाटार सबस्टेसनको मर्मत तथा स्तरन्नतीका लागि त्यहाँबाट विभिन्न फिडरहरुमा आपूर्ति हुने बिजुली भदौ २ गते अवरुद्ध हुने प्राधिकरणले जनाएको छ ।

खासगरी, सितापाइला, बाफल, बलम्बु, खड्कागाउँ (थानकोटसहित), हसनटार, कालिमाटी, कलंंकी र रोपवे फिडरबाट आपूर्ति हुँदै आएका स्थानमा शनिबार बिहान १० बजेदेखि दिउँसो ३ बजेसम्म बिजुली आपूर्ति बन्द हुने प्राधिकरणले सुचना जारी गरि जानकारी दिएको छ ।

स्युचाटार सबस्टेसनको विद्यमान १३२ केभी मुख्य बसावार विस्तार गरी नयाँ निर्माण गरिएको १३२ केभी वेमा जडान गर्नुपर्ने भएकाले विद्युत आपूर्ति बन्द हुने सूचनामा उल्लेख छ ।

हाल लप्सीफेंदी तथा चाँगुनारायण सबस्टेसन निर्माण आयोजनाले विद्यमान टेकु सबस्टेसन स्तरोन्नती गरी टेकु–स्युचाटार ६६ केभी लाइनलाई ३२ केभीमा चार्ज गर्ने कार्य भइरहेको छ । सोही कारण १३२ केभी बसबार बन्द हुने भएकाले टेकु, बालाजु, के टु, के थ्री सबस्टेसनबाट आपूर्ति हुने केही क्षेत्रहरुमा विद्युत आपूर्ति प्रभावित हुन सक्ने प्राधिकरणले जनाएको छ ।