उपसभामुखले अड्काइदिइन् विश्वासको मत लिने कार्यक्रम, मुख्यमन्त्री भन्छन्- एमालेले रडाको मच्चायो

काठमाडौँ- प्रदेशसभाको बैठक डाकेर कोशी प्रदेशकी उपसभामुख काठमाडौँ लागेपछि मुख्यमन्त्री उद्वव थापाले विश्वासको मत लिने कार्यक्रम प्रभावित भएकव छ। सभामा अनुपस्थित भए। उपसभामुख सिर्जना दनुवारले संसदीय परम्परा तोडेको आरोप मुख्यमन्त्री थापाले लगाएका छन्।

‘उपसभामुखले संसदीय व्यवस्थामा द्वन्द्व निम्त्याउन खोज्नुभयो। सोमबार विश्वासको मत लिने सम्भावना अब छैन,’ मुख्यमन्त्री थापाले भने, ‘भदौ १३ गतेभित्र कुनै दिन विश्वासको मत लिने कार्यक्रम हुन्छ।’

प्रमुख प्रतिपक्षी एमालेको सल्लाहमा विश्वासको मत लिने सूचना प्रदेशसभा सचिवलाई दिएपछि उपसभामुखज्यूले समय तोकेको तर अन्तिम समयमा एमालेबाट धोका भएको मुख्यमन्त्री थापाको जिकिर छ। उनले प्रश्न गरे, ‘यदि विश्वासको मत लिने बैठकमा उपस्थित हुने मन थिएन भने उपसभामुखज्यूले समय नदिएको भए पनि हुन थियो नि रु किन समय निर्धारण गर्नु?’ विश्वासको मतमा एमालेले यति ठूलो रडाको मच्चाएको गुनासो मुख्यमन्त्रीको छ।

कोशीका मुख्यमन्त्री थापा।

सभामुख बाबुराम गौतमलाई राजीनामा गराएर दोस्रो पटक साउन १६ गते मुख्यमन्त्री नियुक्त भएका थापाले भदौ १३ गतेभित्र विश्वासको मत लिइसक्नुपर्ने संवैधानिक व्यवस्था छ। यसअघि पनि मुख्यमन्त्री नियुक्त भएका उनको नियुक्ति प्रक्रिया नमिलेको भन्दै खारेज गरिदिएको थियो।

उपसभामुख सृजना दनुवार काठमाडौं हिंडेपछि मुख्यमन्त्री उद्धव थापाले विश्वासको मत लिने कार्यसूची अलपत्र परेको हो। एमालेबाट निर्वाचित उपसभामुख दनुवार बिहान एती एयरलाइन्सको पहिलो उडानबाट काठमाडौं आएकी छन्। सत्ता गठबन्धनका तर्फबाट मुख्यमन्त्री बनेका थापाको पक्षमा बहुमत ४७ प्रदेशसभा सदस्यको मात्र समर्थन रहेको छ।

प्रदेशसभा सञ्चालनका लागि सभामुख र उपसभामुखलाई सहयोग गर्न चार सदस्यीय अध्यक्ष मण्डल छ। अध्यक्ष मण्डलका जेष्ठ सदस्य एमाले प्रदेशसभा सदस्य मालती सुब्बा छिन्। उनले केही दिन बैठकमा उपस्थित हुन नसक्ने निवेदन दिएकी छन् भने उनी पछिको ज्येष्ठ सदस्य राप्रपाका अम्बरबहादुर विष्टले पनि अनुपस्थित हुने जानकारी सचिवालयलाई गराएका थिए।

त्यसपछि अध्यक्ष मण्डलमा कांग्रेसका इस्राइल मन्सुरी र माओवादी केन्द्रकी गीता तिम्सिना सदस्य छन्। उनीहरुमध्ये इस्माइललाई बैठक चलाउन निर्देशन दिँदै सिर्जना काठमाडौँ आएकी हुन्। इस्माइलले अध्यक्षता गरे मुख्यमन्त्रीको पक्षमा बहुमत पुग्दैन। त्यसलाई मध्यनजर गर्दै एमाले र राष्ट्रिय प्रजातन्त्र पार्टीले आफ्ना ज्येष्ठ सदस्यहरूलाई अनुपस्थित हुन निर्देशन दिएका हुन्। दलको निर्देशन एमाले र राप्रपाकाकेही सांसदले बिदा लिएका हुन्।

९३ सदस्यीय प्रदेशसभामा बहुमतका लागि ४७ मत चाहिन्छ। मुख्यमन्त्री उद्धव थापाको नेतृत्वमा रहेको सरकारलाई कांग्रेसका २९, माओवादी केन्द्रका १३, नेकपा एकीकृत समाजवादीका ४ र जनता समाजवादी पार्टीको एक गरी ४७ सांसदको समर्थन छ। विपक्षमा एमालेका उपसभामुख बाहेक ३९ र राप्रपाको ६ जना सांसद छन्।