शिक्षा प्रवर्द्धनका भदौ ८ र ९ गते शैक्षिक मेला हुने
Untitled
काठमाडौं- ‘स्वदेशमै शिक्षा सबैको इच्छा’ भन्ने मुल नारासहित यही भदौ ८ र ९ गते शैक्षिक मेला आयोजना गरिने भएको छ। भिजन मिडिया इन्कर्पोरेसनले विगत ८ वर्षदेखि स्वदेशी शिक्षालाई प्रबर्द्धन गर्ने उद्देश्यका लागि शैक्षिक मेला सञ्चालन गर्दै आएको छ।
यही मुद्दालाई निरन्तरता दिनका लागि यो वर्ष पनि भदौ ८ र ९ गते शैक्षिक मेला आयोजना गर्ने भएको हो। भिजन मिडिया इन्कर्पोरेसनले एक विज्ञप्ति जारी गर्दै भनेको छ, ‘विद्यार्थी अध्ययन गर्नलाई लाखौं खर्च गरेर लाखौंको संख्यामा विदेश गइरहेको डरलाग्दो तथ्यांक तपाई हाम्रो सामु छ, यसरी लाखौंको संख्यामा विद्यार्थी बाहिर जाने विभिन्न कारणमध्ये नेपालका विश्वविद्यालयले दिने शिक्षाको बारे जानकारी नहुनु र विश्वविद्यालय प्रति भ्रम पनि हो। त्यसैले नेपालका विश्वविद्यालय बारे जानकारी दिनु र स्वदेशी शिक्षाको प्रबर्द्धन गर्नु नै यो मेलाको उद्देश्य हो।’
मेला दुई दिनसम्म चल्ने र मेलामा नेपालका काठमाडौं विश्वविद्यालय, त्रिभुवन विश्वविद्यालय, पोखरा विश्वविद्यालय, पूर्वाञ्चल विश्वविद्यालय, मध्यपश्चिमाञ्चल विश्वविद्यालय, गण्डकी विश्वविद्यालय, लुम्बिनी बौद्ध विश्वविद्यालय, सुदूरपश्चिमाञ्चल विश्वविद्यालय तथा विभिन्न अन्तर्राष्ट्रिय विश्विविद्यालयसँग आवद्ध ५० भन्दा बढी क्याम्पसको सभागिता रहने पनि जनाइएको छ।
मेलामा नेपाली विश्वविद्यालयमा पढाइ हुने र विश्व बजारमा माग भइरहेका विभिन्न बिषयहरु; बीबीए, एमबीए, एमएचएम बीआईटी, बीआईएम, बीएचएम, बीएचसीएम, बीटीटीएम, बीबीएम, बीएसडब्लु, बीबीएस, बीएस्सी सीएसआईटी, बीडेभ्सबारे विद्यार्थी ले निशुल्क परामर्श लिन पाउने छन्।
स्वदेशी शिक्षाको प्रबर्द्धनलाई साथ दिनका लागि मेलामा सहभागी हुने प्रत्येक विद्यार्थीलाई खल्ती डिजिटल मिडियाको तर्फबाट फिल्म टिकट उपलब्ध गराइने पनि जनाइएको छ। मेला काठमाडौंको दरबारमार्गमा रहेको होटल अन्नपूर्ण ब्यांक्वेटमा सञ्चालन हुनेछ। भिजन मिडिया इनकर्पोरेसन र एजुकेसन डट कम आयोजक रहेको मेलालाई इन्स्टिच्युट अफ इन्टरनेशनल म्यानेजमेन्ट साइन्स कलेजले मुख्य प्रायोजन गर्ने पनि जानकारी गराइएको छ।
पोखरामा ‘पल्सर आरपीएम’ हुँदै, स्टन्ट र स्ट्रीट कल्चरको रोमाञ्चक अनुभव लिन पाइने
मेटलाइफ नेपालले सुरु गर्यो अनलाइन दाबी ट्र्याकिङ सेवा
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
टस हारेर ब्याटिङ गर्दै पोखरा, मैदानमा दिनेश खरेल र मेहदी हसन
मोरङको केरौन १३२ केभी सबस्टेसन निर्माण सम्पन्न, विद्युत् आपूर्ति भरपर्दो हुने, चुहावट घट्ने
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
