भूकम्पको केन्द्रबिन्दु बारेकोट गाउँपालिका अध्यक्ष भन्छन्- कुनै घर सग्ला छैनन्
नेपाल क्लिक्स
काठमाडौँ- शुक्रबार राति ११:४७ मा जाजरकोट जिल्लालाई केन्द्रबिन्दु बनाएर ६.४ म्याग्निच्युडको भूकम्प गएको थियो।
भूकम्पको केन्द्रबिन्दु जाजरकोटको बारेकोट गाउँपालिका हो।
बारेकोट गाउँपालिकाका अध्यक्ष वीरबहादुर गिरी भूकम्प गएदेखि नै आफ्नो पालिकाभरि घुमिरहेका छन्।
उनका अनुसार यो पालिकामा ९ वटा वडा छन्। तीमध्ये १ र २ नम्बर वडामा बढी क्षति पुगेको छ।
तर, मानवीय क्षतिको विवरण छैन। उनका अनुसार बिहानसम्ममा एक दर्जन व्यक्ति घाइते भेटिएका छन्। उनीहरूको स्थानीय अस्पतालहरूमा उपचार भइरहेको छ।
‘भौतिक क्षति ठूलो छ, तर मानवीय क्षति अहिलेसम्म प्राप्त भएको छैन,’ उनले भने।
उनका अनुसार घरहरू कुनै सग्ला छैनन्, धेरैजसो भत्किएका छन्। स्कुल, स्वास्थ्य संस्थालगायत सरकारी भवनहरू भत्किएका छन्।
‘ठाउँ-ठाउँमा सडक भासिएको छ, १ र २ नम्बर वडामा बढी नै क्षति छ,’ उनले भने, ‘कति घर भत्किए विवरण संकलनमै छौं।’
भूकम्प गएपछि प्रहरी, स्थानीय युवालगायतको टोली बनाएर आफू मोटरसाइकलमा सबै वडामा पुगेको उनले बताए।
बारेकोट गाउँपालिकाको प्राय अधिकांश भाग उच्च पहाडी भू-भागले ढाकेको छ।
पत्रकारहरूमाथि प्रहरीको धरकपड
‘मिनी टिलर’ गोरुको विकल्प बन्दै
चक्रवाती आँधीको प्रभावले हवाई उडान प्रभावित हुन सक्ने, सतर्कता अपनाउन प्राधिकरणको आग्रह
प्रधानमन्त्री विपद् कोषमा कति रकम आयो? कति खर्च भयो? समितिले खोज्यो हिसाब
अर्नब चक्रावत: नारायणगढ–मुग्लिनसहित प्रमुख राजमार्गमा पहिरोको जोखिम
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
