स्मार्ट टेक सोलुसनले ल्यायो पूर्वाधार विकाससम्बन्धी काम छरितो बनाउने स्मार्ट इस्टीमेसन सफ्टवेयर

काठमाडौं– रोड डिजाइन सम्बन्धी सफ्टवेयर बनाएर लोकप्रियता कमाएको कम्पनी स्मार्ट टेक सोलुसनले स्थानीय तह तथा अन्य पूर्वाधार सम्बन्धी काम गर्ने कार्यालयको कामलाई छिटो छरितो बनाउने हेतुले स्मार्ट इस्टीमेसन नामक सफ्टवेयर तयार पारेको छ।

कम्पनीका अनुसार तालुकदार कार्यालयहरुले यो सफ्टवेयरका प्रयोग गरेमा पूर्वाधार सम्बन्धी कामहरु ८० प्रतिशतसम्म छिटो हुने र कामहरुको प्रगति मूल्याङकन प्रभावकारी बन्नेछ।

स्मार्ट टेक सोलुसनले जारी गरेको प्रेस नोटमा भनिएको छ, ‘पछिल्लो अवस्थामा खासगरी स्थानीय तह लगायत पूर्वाधार विकास सम्बन्धी काम गर्ने सस्थाहरु अरु थप प्रविधिमैत्री हुनुपर्ने आवश्यकता छ। यही आवश्यकतालाई महसुस गर्दै कम्पनीले यस्ता कार्यालयहरुको संस्थागत क्षमता बढाउने उद्येश्यले यो सफ्टवेयर तयार पारिएको हो।’

सरकारी निकाय लगायत जुनसुकै विकास एजेन्सीले गर्ने कुनै पनि पूर्वाधार सम्बन्धि कामपूर्व त्यस्ता परियोजनाहरुबारे लागत अनुमानदेखि मूल्याङ्कनसम्मका प्रक्रियाहरु छिमल्नुपर्छ। यो प्रक्रिया पूर्वाधार विकास सम्बन्धी सरकार अन्तरगत विभिन्न निकायका मापदण्ड तथा नम्र्समा आधारित रहेर हुन्छन्। तर यस्तो लागत अनुमान निकाल्दा इन्टिग्रेडेट सिस्टम नहुँदा यसबारेको काम झन्झटिलो मात्र होइन कतिपय अवस्था आंकलन तथा पूर्वमानुमानको स्वरुप नै असन्तुलित हुने सम्भावना रहन्छ। ‘यो सफ्टवेयरले नेपालका सबै खाले पूर्वाधार विकास सम्बन्धी मापदण्ड हरूलाई एकैठाउमा इन्ट्रीग्रेट गरेर त्यस मापदण्डमा आधारित रहेर आफूलाई चाहिएको पूर्वाधार विकास सम्बन्धित कार्यको इस्टीमेसन निकाल्न सहयोग गर्छ’, स्मार्ट टेक सोलुसनले सफ्टवेयरबारे भनेको छ, ‘ त्यसैले यसले पालिकाहरुले गर्ने विकाससम्बन्धी काममा प्रभावकारी रुपमा सघाउ पुर्याउने छ।’