चरेस तस्करीका दोषी भेट्न जेल पुगे बाबुराम, तत्काल रिहा गर्न प्रधानमन्त्रीसँग माग
नेपाल क्लिक्स
काठमाडौँ- नेपाल समाजवादी पार्टीका अध्यक्ष बाबुराम भट्टराईले हाल जेलमा रहेका पूर्व जनमुक्ति सेनाका कमान्डरसँग भेट गरेका छन्।
हालै पक्राउ गरी डिल्लीबजारस्थित सदरखोरमा राखिएका पूर्वकमाण्डर जीतमान पुन मार्शलसँग भेट गरेका हुन्।
‘पूर्व जनमुक्ति सेनाका ब्रिगेड कमाण्डर तथा नेसपाका केन्द्रीय सदस्य जीतमान पुन (मार्शल)लाई जनयुद्धकालीन मुद्दामा गिरफ्तार गरी डिल्लीबजार कारागारमा राखिएकोमा वहॉलाई कारागार मै गएर भेटेँ,’ उनले भनेका छन्।
मार्शललाई भेटेपछि डा बाबुरामले लगत्तै प्रधानमन्त्री पुष्पकमल दाहाल प्रचण्डसँग भेट गरेका थिए। पूर्वप्रधानमन्त्रीसमेत रहेका नेसपा अध्यक्ष भट्टराईले प्रधानमन्त्री प्रचण्डलाई भेटेर तत्काल मार्शललाई रिहा गर्न माग गरेका छन्।
‘प्रधानमन्त्री तथा पूर्व जनमुक्ति सेनाका सर्वोच्च कमान्डर क प्रचण्डलाई भेटेर क मार्शलको तत्काल रिहाइको पहल गर्न आग्रह गरेको छु,’ डा बाबुरामले ट्विटरमा लेखेका छन्।
पूर्व जनमुक्ति सेनाका ब्रिगेड कमाण्डर तथा नेसपाका केन्द्रीय सदस्य जीतमान पुन (मार्शल) लाई जनयुद्धकालीन मुद्दामा गिरफ्तार गरी डिल्लीबजार कारागारमा राखिएकोमा वहाॅलाई कारागारमै गएर भेटेपछि त्यस लगत्तै प्रधानमन्त्री तथा पूर्व जनमुक्ति सेनाका सर्वोच्च कमाण्डर क. प्रचण्डलाई भेटेर क.… pic.twitter.com/wO6bVXa9d9
— Baburam Bhattarai (@brb1954) January 27, 2024
माघ ८ गते काठमाडौंबाट पक्राउ परेका उनलाई डिल्लीबजार कारागारमा राखिएको तीन दिनपछि मात्र सार्वजनिक भएको थियो।
रुकुम पूर्वको भुमे गाउँपालिका-१ घर भएका पुनमाथि २०५३ सालमा चरेस ओसारपसारसम्बन्धी मुद्दा थियो। उक्त मुद्दामा जिल्ला अदालत दाङले साढे दुई वर्ष कैद र २० हजार रुपैयाँ जरिवाना हुने फैसला गरेको थियो। सोही मुद्दामा मार्शल पक्राउ परेका हुन्।
पक्राउ परेको सार्वजनिक भएलगत्तै डा. बाबुराम भट्टराईले ‘जनयुद्धकालीन मुद्दा’मा पुनलाई पक्राउ गरिएको जिकिर गरेका थिए। ‘पूर्व जनमुक्ति सेनाका ब्रिगेड कमाण्डर तथा नेपाल समाजवादी पार्टीका केन्द्रीय सदस्य जीतमान पुन ‘मार्शल’ (पूर्वी रूकुम) लाई जनयुद्धकालीन मुद्दामा गिरफ्तार गरिएकोमा नेसपाको घोर आपत्ति छ। हामी यो घटनाको तीव्र भ्रत्सना गर्दछौं,’ डा. भट्टराईले ट्विटरमा लेखेका थिए।
पुन ०७४ सालको निर्वाचनमा रुकुम पूर्वबाट बाबुराम भट्टराई नेतृत्वको तत्कालीन नयाँ शक्तिको उम्मेदवार थिए। मार्शल हाल डा बाबुराम नेतृत्वको नेसपाका केन्द्रीय सदस्य हुन्।
पूर्व जनमुक्ति सेनाका ब्रिगेड कमाण्डर तथा नेपाल समाजवादी पार्टीका केन्द्रीय सदस्य जीतमान पुन ‘मार्शल’ ( पूर्वी रूकुम ) लाई जनयुद्धकालीन मुद्दामा गिरफ्तार गरिएकोमा नेसपाको घोर आपत्ति छ।
हामी यो घटनाको तीब्र भर्त्सना गर्दछौं र यसबारे तुरून्त आवश्यक कदम चाल्न जनयुद्धका सुप्रिम… pic.twitter.com/wpJZQWaPec
— Baburam Bhattarai (@brb1954) January 24, 2024
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जीबी राईले भने- ‘नेपाल फर्कन तयार छु, रवि र छविलाई जोड्नु उचित होइन’
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
