दिनमै दोस्रो पटक बालुवाटार पुगे ओली, परराष्ट्रमन्त्रीको फिनल्यान्ड भ्रमण रद्द
नेपाल क्लिक्स
काठमाडौँ- नेकपा एमालेका अध्यक्ष केपी शर्मा ओली बालुवाटार पुगेका छन्।
आइतबार बिहान प्रधानमन्त्री पुष्पकमल दाहाल प्रचण्डसँग भेटवार्ता गरेका ओली साँझ फेरि बालुवाटार पुगेका हुन् ।
अध्यक्ष ओली महासचिव शंकर पोखरेलसमेतलाई लिएर बालुवाटार पुगेका छन्।
गठबन्धनमा समस्या आइरहेको कुरा शीर्ष नेताहरूले नै बताइरहेका बेला एकाएक अन्तिम समयमा परराष्ट्रमन्त्री एनपी साउदको फिनल्याण्ड भ्रमण रद्द भएको छ।
परराष्ट्र मन्त्रालयले भने ‘विशेष परिस्थिति’का कारण मन्त्री साउदको भ्रमण रद्द भएको जानकारी दिएको छ।
‘विशेष परिस्थितिका कारण परराष्ट्रमन्त्री साउदको पूर्वनिर्धारित कार्यक्रमअनुसार हेलसिन्की प्रस्थान गर्न सक्षम हुनुभएन’, परराष्ट्र मन्त्रालयले जारी गरेको सूचनामा उल्लेख छ।
‘सेकेन्ड यूएन एलडीसी फ्युचर फोरम’ मा सहभागी हुन साउद आइतबार फिनल्यान्ड जाने तय भएको थियो।
यसैबीच प्रधानमन्त्री पुष्पकमल दाहाल प्रचण्डले सोमबार प्रतिनिधि सभामा सांसदहरूका प्रश्नको सामना गर्ने तय भएको छ।
त्यसको तयारीका लागि बिहान ८ बजे सत्ताधारी गठबन्धनका नेताहरूको बैठक बोलाएका छन्।
बैठकमा मन्त्रीहरू हेरफेरका विषयमा छलफल हुन सक्ने बताइएको छ।
आइतबार कांग्रेस सभापति शेरबहादुर देउवाले आफ्नै निवासमा कांग्रेसका तर्फबाट मन्त्री बनेकाहरूलाई बोलाएका थिए। उक्त भेलामा समसामयिक राजनीतिक विषयमा छलफल भएको बताए पनि सरकारबाट हट्नका लागि तयार भएर बस्न देउवाले संकेत गरेको बताइएको छ।
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जीबी राईले भने- ‘नेपाल फर्कन तयार छु, रवि र छविलाई जोड्नु उचित होइन’
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
मुद्रास्फीतिको दबाबले सर्वसाधारणको जीवनमा कस्तो असर पर्छ?
