अम्बानीका भान्सेको तलब दिल्लीका सांसदको भन्दा बढी

भारतका सबैभन्दा धनी व्यक्ति मुकेश अम्बानी सरल दिनचर्या विताउन मन पराउँछन्। उनी मानिसहरुसँग प्रस्तुत हुँदा विनम्र देखिन्छन्। जब खानाको कुरा आउँछ तब अम्बानी डेली रुटिनको पालना गर्छन्।

७० को दशकमा उनी स्टेनफोर्ड विश्वविद्यालयमा थिए। त्यही बेला देखि उनले शाकाहारी भोजन गर्दै आएका छन्। अन्डा बाहेक उनले कुनै पनि मांसहारी खाना खाँदैनन्। अम्बानी दाल, चपाती, भात र सिजनल तरकारी खान रुचाउँछन्। यस्तै अम्बानीलाई थाई फूड मन पर्छ। उनी आईतबार साउथ इन्डियन खाना जस्तै: इडली, डोसा लगायत खाने गर्छन्।

व्यस्तताका बाबजुद पनि अम्बानी परिवारसँगै खान खान्छन्। अम्बानीका भान्सेले हरेक महिना २ लाख रुपैयाँ तलब बुझ्ने गरेका छन्। सन् २०१७ मा अम्बानीका ड्राइभरको तलब सार्वजनिक भएको थियो। उनका निजी ड्राइभरको तलब मासिक २ लाख रुपैयाँ छ। अम्बानी आफ्ना कर्मचारीलाई मासिक तलबका अलवा बीमा र भत्ता समेत प्रदान गर्छन्।

अम्बानीका निजी स्टाफको कमाई दिल्लीका सांसद्को भन्दा बढी छ। अम्बानीका निजी स्टाफले मासिक २ लाख रुपैयाँ बुझ्दा दिल्लीका सांसदको तलब मासिक ९० हजार भारतीय रुपैयाँ मात्र हो। एजेन्सी