८४ दिनपछि हिरासतबाट छुटे रवि, सोविताले भनिन्, ‘अति नै गरिएको थियो’
नेपाल क्लिक्स
काठमाडौँ – राष्ट्रिय स्वतन्त्र पार्टीका सभापति रवि लामिछानेले बिहीबार ८४ दिनपछि कास्की प्रहरीको हिरासतबाट छुटेका छन्।
जिल्ला अदालत कास्कीले ६५ लाख रुपैयाँ धरौटीमा उनलाई छाड्न आदेश दिएको हो। सूर्यदर्शन सहकारी ठगी प्रकरणमा लामिछानेलाई कात्तिक २ गते प्रहरीले पक्राउ गरेको थियो।
अदालतको आदेशपछि बैंक ग्यारेन्टीमार्फत धरौटी रकम बुझाएर लामिछाने रिहा भएका छन्।
जिल्ला सरकारी वकिलको कार्यालय कास्कीले सूर्यदर्शन सहकारीको रकम अपलचनमा तीन करोड ३७ लाख ६५ हजार, सम्पत्ति शुद्धीकरणतर्फ २७ करोड ८९ लाख ४४ हजार सात सय पाँँच रुपैयाँ बिगो दाबी गरेको छ। अभियुक्तहरूको बयान तथा वादी र प्रतिवादीको तर्फका वकिलको थुनछेक बहस सकिएपछि लामिछानेलाई धरौटीमा छोड्न कास्की अदालतले आदेश दिएको हो।
यसैबीच लामिछानेको रिहाइपछि रास्वपाकी नेता सोविता गौतमले आफूहरूले न्याय पाएको बताएकी छन्। लामिछानेको रिहाइपछि अदालतअगाडि खुसियाली मनाउन भेला भएका नेता कार्यकर्ताबीच पत्रकारसँग गौतमले भनिन्,’अति नै धेरै कसरी हुन्छ यो मान्छे (लामिछाने) लाई जसरी हुन्छ जेलभित्र राखौँ, यो मान्छेलाई अभियोजन नै गरेर हिरासतमै राखौँ, अपराधी नै होजसरी ट्रिट गरेको जस्तो देखिन्थ्यो। तर अदालतको आदेशले हामीलाई केही राहत महसुस भएको छ।’
राज्य कतिसम्म लागिपर्छ भन्ने देखिएको उनले बताइन्।
काठमाडौंलगायत जिल्लामा पनि अरू मुद्दा भएकाले लामिछाेने तत्काल भने नछुट्ने भएका हुन्।
विद्युत् व्यापार गर्न १५ कम्पनीको आवेदन, ११ ले पाए आशयपत्र
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
