अमेरिकाको कनेटिकटमा नेपाल फेस्टिभल हुने

संयुक्त राज्य अमेरिका र नेपाल सरकारबीच दौत्यसम्बन्ध स्थापना भएको ७५औं वर्ष पुगेको अवसरमा कनेटिकट राज्यको ब्रायनफोर्डमा नेपाल फेस्टिभल हुने भएको छ। फेस्टिभलको आयोजना सोसाइटी अफ नेपालिज इन अमेरिकाले गर्नेछ। नेपाल र अमेरिकाबीच १९४७ अप्रिल २५ मा दौत्य सम्बन्ध कायम भएको थियो।

नेपाली कला (संस्कृति, खानपान, भेषभूषा र मौलिकता) प्रवद्र्धन गर्ने उद्देश्य राखेर पहिलो पटक हुन लागेको फेस्टिभलमा सिंगो नेपालको झझल्को दिन लागिएको आयोजकले जनाएको छ। कनेटिकट राज्य, अमेरिकाको एउटा उत्तर पूर्वी राज्य हो। यस्तै ब्रायनफोर्ड शहर, न्युयोर्कबाट करिब ७४ माइल उत्तर–पुर्व रहेको छ। यो सहरमा उल्लेख्य संख्यामा नेपालीको बसोबास रहेको छ।

ब्र्यानफोर्ड शहरको ग्रिन पार्कमा फेस्लिभल नेपाली भेषभूषा तथा संस्कृति झल्काउने पहिरनका साथ झाँकी प्रर्दशनी गरिने आयोजकको भनाइ छ। फेस्टिभलमा नेपालको कला तथा संस्कृति झल्काउने डिस्प्ले, नेपाली परिकारका स्टल, बालबालिकालाई रमाउने स्टल रहने आयोजकले जनाएको छ।

फेस्टिभलमा स्थानीय कलाकारका साथै नेपाली कलाकारहरूले गीत, संगीत एवं विभिन्न सांस्कृतिक कार्यक्रम प्रस्तुत गर्नेछन् । नेपालीहरूको पहिचानलाई विश्व समुदायमाझ पुर्‍याउने अभियानका रूपमा नेपाल फेस्टिभल आयोजना गर्न लागिएको हो।

फेस्टिभलमा ३ हजारदेखि ४ हजारसम्म नेपाली तथा स्थानीय सहभागी हुने विश्वास गरिएको छ