एनपीएल अवधिभर काठमाडौँमा आन्दोलन नगरिदिन पारस खड्काको अनुरोध

काठमाडौँ: नेपाल क्रिकेट संघ (क्यान) सचिव पारस खड्काले नेपाल प्रिमियर लिग(एनपीएल)को समयअवधिभर काठमाडौँमा आन्दोलन नगरिदिन अनुरोध गरेका छन्। मंसिर १ गते सोमबारदेखि मङ्सिर २७ गतेसम्म हुने उक्त प्रतियोगिताको सम्पूर्ण तयारी पूरा भएकोबारे नेपाल क्रिकेट संघ (क्यान)ले आज गरेको पत्रकार सम्मेलनमा उनले यस्तो अनुरोध गरेका हुन्।

उनले यो एनपीएलले देशलाई नै चिनाउने भएकाले सबैलाई साथ र सहयोग गरिदिन आग्रह गरेका छन्। आन्दोलन नै गर्नुपर्ने अवस्था भएमा सो अवधिमा काठमाडौँभन्दा बाहिर गएर आफ्ना माग राख्न पनि अुनरोध गरेका छन्।

उनले सबै फरक पृष्ठभूमिबाट आए पनि एनपीएललाई सफलतापूर्वक सम्पन्न गर्नका लागि सबै एकहुनुपर्ने र यसपटकको संस्करण फरक हुने बताए।

दोस्रो संस्करणको नेपाल प्रिमियर लिग (एनपीएल)को सम्पूर्ण तयारी पूरा भएको पनि उनले जानकारी दिए।

प्रतियोगिताका विजेता टोलीलाई पुरस्कारस्वरुप रु एक करोड १० लाख प्रदान गरिनेछ। य

सअघि जनकपुर बोल्ट्सले सुदूरपश्चिम रोयल्सलाई पराजित गर्दै उपाधिमाथि कब्जा जमाएको थियो। त्यसैगरी, प्रतियोगिताको उपविजेता टोलीले भने रु ५१ लाख प्राप्त गर्नेछ भने तेस्रो स्थान हासिल गर्नेले रु २५ लाख तथा चौथो हुनेले रु १५ लाख प्राप्त गर्नेछ।

एनपीएलमा विभिन्न आठ फ्रेञ्चाइज टोली सहभागी हुनेछन्। उद्घाटन खेल जनकपुर बोल्ट्स र काठमाडौँ गोर्खाजबीच हुनेछ।